![](/sites/default/files/styles/news_medium/public/2022-10/WhatsApp%20Image%202022-10-08%20at%2023.07.05_0.jpeg?itok=Z35otprT)
«Дүкенбай Досжан әлемі: жазушылық зертханасы және ұлт тағдыры»
13 October 2022
«Дүкенбай Досжан әлемі: жазушылық зертханасы және ұлт тағдыры»
ҚР Мемлекеттік сыйлығының лауреаты, көрнекті жазушы
Дүкенбай Досжанның 80 жылдық мерейтойына
арналады
14 қазан күні сағ. 11.00-де ҚР Ұлттық академиялық кітапханасында ҚР Мемлекеттік сыйлығының лауреаты, «Құрмет», «Парасат», ордендерінің иегері Дүкенбай Досжанның туғанына 80 жыл толуына орай дөңгелек үстел өтеді.
Дөңгелек үстелдің мақсаты: Жазушының шығармашылық мұрасын зерттей отырып, тұлғаның артында қалған баға жетпес мол мұрасын бүгінгі ұрпаққа дәріптеу, қазақ классикалық және әдеби шығармаларын жастардың оқуына ықпал ете отырып, жазушының рухына құрмет көрсету.
Модератор: жазушы, драматург Жолтай Жұмат-Әлмашұлы болады.
Шараға Қазақстанның мемлекет және қоғам қайраткерлері, Парламент депутаттары, ғылым және шығармашылық зиялы қауым өкілдері: ҚР Мәжіліс депутаты Нұртөре Жүсіп, Дархан Мыңбай, Елтаңба авторы Жандарбек Мәлібеков, Жазушылар одағының мүшесі, ақын, Бақыт Беделханұлы, жазушы, аудармашы Анатолий Ким (Реcей, Мәскеу), академик Ғарифолла Есім, Дихан Қамзабекұлы, Бауыржан Омарұлы, профессор Шерубай Құрманбайұлы және Дүкенбай Досжанның отбасы мен кітапхана оқырмандары, қала қонақтары қатысады.
Жазушы Дүкенбай Досжанның қаламынан 11 роман, 22 хикаят, 100-ден аса әңгіме дүниеге келіп, қалың оқырманның рухани қазынасына айналды. Әлемнің 20 тілінде жеке кітаптары, 2002-2003 жылдары аралығында 13 томдық шығармалар жинағы жарық көрген. Дүкенбай Досжан – көпшілік сүйіп оқитын қазақ жазушыларының бірі. Жазушының есімі АҚШ-тың «Әдебиет пен өнер адамдары» энциклопедиясына, «Ұлттық энциклопедиясына», «Абай», «Элита Казахстана» аңықтамалығына енген.