«OTANDASTAR» QORY

 

2020 jylğy 27 aqpanda Nūr-Sūltan qalasyndağy Qazaqstan Respublikasy Ūlttyq akademialyq  kıtaphanasynda  «Otandastar qory» KeAQ jäne Düniejüzı qazaqtary qauymdastyğynyñ  bastamasymen  «Otandastar» oqu zaly aşyldy.
 Jiyn barysynda ılkımdı ıs¬ke rizaşylyq tanytyp, jyly pıkır bıl¬dırgen  körnektı memleket jäne qoğam qairatkerı Myr¬zatai Joldasbekov özı¬nıñ tyñ tuyndylary «Ūly dala ädebietı» häm «Qorqyt ata kıtaby» jäne basqa da eñbekterın «Otandastar» za¬lyna tartu ettı.
Sondai-aq tanymal jazuşy, Memlekettık syilyqtyñ lauraety Älıbek Asqar, belgılı qalamger Sūltan Orazalin, türkıtanuşy ğalym Qarjaubai Sartqojaūly syndy zialy qa¬uym ökıl¬derı oi-pıkırın ortağa salyp, öz kıtaptaryn syiğa berdı.
«Otandastar» oqu zalynyñ artyqşylyğy, ondağy kıtap sörelerıne älemnıñ är tükpırındegı qandas qalamgerlerdıñ şyğarmalary  men  ğalymdardyñ  eñbekterı qoiylady. Atap aitsaq, Qytai, Resei, Türkia, İran, Moñğolia, Özbekstan, Qyrğyz Respublikasy jäne tağy basqa da memleketterdı meken etken  etnikalyq qazaqtardyñ tuyndylary jinaqtalady.
Bügınde Ūlttyq kıtaphana  katalogyndağy baspa önımderı men qūndy qūjattar sany 2000-nan asty jäne 2500 kıtap şet elderdegı qazaq ūlttyq mädeni ortalyqtaryna taratyldy.
Sonymen qatar Resei, Qytai, Moñğolia, Türkia, AQŞ, İran elderındegı qandastarymyz tartu etken jäne «Otandastar qory»  jinağan  bağaly kıtaptar «Qazaqstan ūlttyq elektrondy kıtaphanasynyñ» tehnikalyq platformasynda sifrlanady. Būl jañaşyl qadam otandastarymyzğa älemnıñ kez kelgen jerınde jürıp-aq  qalağan kıtabyn oquğa mümkındık beredı.
«Otandastar qory» turaly tolyqqandy akparatty www.oq.gov.kz saitynan taba alasyzdar.
Sifrly formatqa köşırılgen tyñ tuyndylardy «Qazaq ūlttyq elektrondy kıtaphanasynyñ» www.kazneb.kz saity arqyly oquğa bolady.