ҚР Ұлттық академиялық кітапханасында 2026 жылдың 9 қаңтар күні «Тарихтан тағылым» атты иллюстративті кітап көрмесі ашылды. 

Жылдың басында дәстүрлі ұйымдыстырылатын көрмеге биыл еліміз бойынша және ЮНЕСКО көлемінде мерейтойлары аталып өтетін тарихи тұлғалар мен ақын-жазушылардың, қазақтан шыққан белгілі Мемлекет және қоғам қайраткелерінің  архив шежірелері, құжаттары, фотолары, еңбектері, кітаптары мен құнды туындылары қойылды.

Көрменің мақсаты – өскелең ұрпаққа қазақтан шыққан белгілі тұлғаларды, олардың тағылым жолын, туындыларын таныту, кітап оқу мәдениетін қалыптастыру, кітапхананың имиджін көтеру.

Жеке тұлғалардың мерейтойларына арналған көрмеге «Ыбырай Алтынсарин - 185 жыл»,  «Жамбыл Жабаев - 180 жыл», «Әлихан Бөкейханов - 160 жыл»,  «Ахмет Жұбанов - 120 жыл», «Мариям Хакимжанова - 120 жыл», «Латиф Хамиди - 120 жыл»,  «Қасым Аманжолов - 115 жыл»,  «Хамит Ерғалиев - 110 жыл», «Қайым Мұхамедханов - 110 жыл»,  «Абдулла Қарсақбаев - 100 жыл», «Ермек Серкебаев - 100 жыл», «Мұқағали Мақатаев - 95 жыл», «Марфуға Айтхожина - 90 жыл», «Қабдеш Жұмаділов - 90 жыл», «Сайын Мұратбеков - 90 жыл», «Медеу Сәрсекеев  - 90 жыл», «Олжас Сүлейменов - 90 жыл»,  «Күләш Ахметова - 80 жыл, «Сауытбек Абдрахманов - 75 жыл», «Әлібек Асқаров - 75 жыл», «Орынбай Жанайдаров – 75 жыл», «Тұрсын Жұртбай  - 75 жыл», «Жақсылық Үшкемпіров – 75 жыл», «Рахымжан Отарбаев - 70 жыл»,      Көрмеге мерейтой иелерінің өмірі мен шығармашылығы жайында жазылған 500-ден аса кітаптар, естеліктер, фото-суреттер, нақылсөздер мен дәйексөздер қойылды.

Көрме кітапхана оқырмандарына тұрақты түрде жыл бойы ұсынылады.

Көрменің ашылуына зиялы қауым өкілдері, ақын-жазушылар, БАҚ өкілдері, оқырмандар қатысты.