Кітапхана тарихы

«Астана қаласындағы Ұлттық академиялық кітапхана» республикалық мемлекеттік мекемесі 2004 жылдың 23 сәуір күні № 461 ҚР Үкіметінің Қаулысымен құрылды.
Бүгінде ҚР ҰАК – бұл Кітап пен Оқуды таңдап алған адамдардың баршасы үшін есігі ашық қазіргі заманғы ақпараттық мекеме.  Оқырмандар билігінде ақпараттық және сервистік қызметтің толық жиынтығы бар: электронды каталог, Интернет пен қашықтықтағы деректер базасына қолжетімділік, виртуальды анықтамалық қызмет, құжаттарды электронды жеткізу, кітаптар, газет-журналдар, мультимедиялық басылымдардың бай топтамасы.  ҚР ҰАК-ның қорында бір жарым миллионнан астам басылым бар. Оның оқу залдары бір мезгілде 500-ден астам оқырманды қабылдайды. Ал «Мәжіліс», «Сұхбат» және «Конституция» залдарында дәрістер, конференциялар, презентациялар, көрмелер және жұмыс кездесулер өткізу үшін толық жабдықталған жағдай жасалынған.
Кітапхананың www.nabrk.kz корпоративтік сайты бар. Сонымен қатар кітапхана «Қазақстандық ұлттық электрондық кітапхана – Электронды мемлекеттік кітапханалық қор» (ҚазҰЭК-ЭМКҚ) жобасын жүзеге асырудың базасы болып табылады www.kazneb.kz.
 ҚР ҰАК-сы ҚР Кітапханалар ассоциациясы (ҚРКА), Еуразия Кітапханалар ассоциациясы (ЕКА), IFLA  Кітапханалық ассоциациялар мен мекемелердің Халықаралық федерациясының мүшесі болып табылады. 

Осы жылдарда Бас директор болғандар: Р.А. Бердіғалиева (2004-2009 жж.), Р.Қ. Отарбаев (2009-2010 жж.), Ж.К. Шаймұханбетова (2010-2012 жж.), Ә.А. Асқар  (2012-2014жж.), 2014 жылдың маусым айынан бастап Бас директор - педагогика ғылымдарының докторы, профессор, Қазақстан Республикасы Білім саласының құрметті қызметкері Үмітхан Дәуренбекқызы Мұңалбаева.


Елеулі оқиғалар күні:

▪ 10 маусым 2004 ж. – Қазақстан Республикасы Президенті Н.Ә.Назарбаевтың қатысуымен  ҚР ҰАК-ның салтанатты ашылу рәсімі.

▪ 10 қыркүйек 2005 ж.  – кітапхана алғашқы оқырмандарды қабылдады.

▪ 17 наурыз 2007 ж. – Халықаралық оқу конгресі.

▪ 24 қыркүйек 2007 ж. – «Бір ел – бір кітап» республикалық акциясы басталды. Жыл кітабы – Абай.  «Қара сөздер».

▪ 2008 жыл – Қазақстандық Ұлттық Электронды Кітапхана (ҚазҰЭК) жобасын жүзеге асыру басталды.

▪ 22-23 мамыр 2008 ж. – Қазақстан жас кітапханашылардың I Слеті.

▪ 17-25 маусым 2008 ж. – Астананың 10 жылдығына арналған «Астанаға кітапханалық салют» автожарысы.
 
▪ 19-20 маусым 2008 ж. – «Астананың мәдени мәтіні» Бірінші Халықаралық конференциясы.

▪ 24 қыркүйек 2008 ж. «Бір ел – бір кітап» акциясы– 2008. Жыл кітабы– М.Әуезов. «Қилы заман» повесі.

▪ 13 наурыз 2009 ж. «Бір ел – бір кітап» акциясы  – 2009. Жыл кітабы– М.Жұмабаевтың лирикасы.

▪ 25 маусым 2009 ж. – «Астананың мәдени мәтіні» Екінші Халықаралық конференциясы.
   
▪ 21 мамыр 2010 ж. «Бір ел – бір кітап»  акциясы – 2010. Жыл кітабы–Ж.Молдағалиев. «Мен – қазақпын» поэмасы.

▪ 10 ақпан 2011 ж. – ҚР Тәуелсіздігінің 20 жылдығына арналған  «Көзімнің ішінде Көк Туым желбіреп...» атты кітап-иллюстрациялық көрмесінің ашылуы.

▪ 10 наурыз 2011 ж. – «Бір ел – бір кітап»  акциясы – 2011. Жыл кітабы–Ж.Аймауытовтың «Ақбілек» романы.

▪ 26-27 қазан 2011 ж. – Қызылорда – 2011- Кітапханалар астанасы.  «Қазақстан кітапханалары тәуелсіздік жылдарында: жетістіктері және даму бағыттары» республикалық конференциясы.

▪ 25 наурыз 2012 ж. – «Бір ел – бір кітап»  акциясы – 2012. Жыл кітабы – О. Бөкейдің шығармалары.

▪ 29 наурыз 2012 ж. – «Астана 2012 – түркі әлемінің мәдени астанасы» жылына  арналған «Түркі рухы төрімде шалқып...» атты кітап көрмесінің ашылуы.

▪ 26-27 қыркүйек 2012 ж. – «Достастық кітапханалары: интеграция, инновация және барлығы үшін қолжетімділік» ТМД елдері кітапханашыларының Форумы.

▪ 2013 жыл – «Қазақстандық ұлттық электронды кітапхана» Ақпараттық Жүйесін жаңғырту.

▪ 14 наурыз 2013 ж. – «Бір ел – бір кітап»  акциясы – 2013. Жыл кітабы– Ф.Оңғарсынованың «Дауа» кітабы.


▪ 28 наурыз 2013 ж. – Қазақстан Республикасы Президенті – ұлт Көшбасшысы Нұрсұлтан Назарбаевтың Қазақстан халқына арналған «Қазақстан-2050» стратегиясы: қалыптасқан мемлекеттің жаңа саяси бағыты» Жолдауына арналған «Алтын күнді қондырып қанатына,  Қазақ елі самғайды болашаққа» атты кітап көрмесінің ашылуы.


▪ 27 маусым 2013 ж. – Астананың 15 жылдығына арналған  «Ай-көрік менің Астанам!» атты кітап-иллюстрациялық көрмесінің ашылуы.


▪ 23 тамыз 2013 ж. -  мәдениеттердің жақындасуының Халықаралық он жылдығына арналған «Ұлы даланың рухани мұрасы» кітап көрмесінің ашылуы.


▪ 28 қараша 2013 ж. – Кітапханадағы поэзия түні – «Жауһар жыр планетасына саясат».

▪ 17-19 қыркүйек 2013 ж. – Тараз – 2013 - Кітапханалар астанасы. «Жаңа қоғам кітапханаларындағы инновациялар» Республикалық конференциясы.

▪ 28 қараша 2013ж. – Кітапханадағы поэзия түні «Жауһар жыр планетасына түнгі саяхат».

▪ 11 наурыз 2014 ж. – «Бір ел – бір кітап»  акциясы – 2014. Жыл кітабы – С.Мұратбеков. «Жусан иісі» және «Үшқараның басында».


▪ 5 шілде 2014 ж. - Астана күніне арналған «Алаштың ақ ордасы Астана» музыкалық-поэтикалық мейрамы.


▪ 1 қыркүйек 2014 ж. – Білім күніне арналған «Бүгінгі бала – білімді бала» кітап мейрамы.


▪ 7 қараша 2014 ж. – «ТӘЖ» (Тәуелсіздік. Әдебиет. Жастар) әдеби-интеллектуалды клубы ашылды.


▪ 30 қараша 2014 ж. Қазақстан  Республикасының Тұнғыш Президенті Күніне және Қазақстан Республикасы Ұлттық академиялық кітапханасының 10 жылдығын мерекелеу аясында Конгресс-холлда «Елбасы және ұлттың рухани жаңғыруы» (Қазақстан Республикасы Ұлттық академиялық кітапханасының үлесі) тықырыбымен салтанатты жиын өтті.


▪ 1 желтоқсан 2014 ж. – Астанада алғаш рет Кітап мұражайы ашылды.


▪ 9 қаңтар 2015 ж. – кітапхана галереясында Қазақ хандығының 550 жылдығына, Ұлы Жеңістің 70 жылдығына, Қазақстан Республикасы Конституциясының 20 жылдығына және Қазақстан халқы Ассамблеясының 20 жылдығына байланысты  «Нұрлы жол» - болашақтың жыры бол!» тақырыбымен көрме ашылды.


▪ 20 қантар 2015 ж. – филология ғылымдарының докторы, академик, қоғам және мемлекет қайраткері Мырзатай Жолдасбековтің жеке кітапханасы ашылды.


▪ 27 ақпан 2015 ж. – "Абай" академиялық залы ашылды.


▪ 22 сәуір 2015 ж. -Қазақстан халқы Ассамблеясы Залы ашылды.


▪ 6 шілде 2015 ж. – Мемлекеттік қызметкерлерге арналған зал ашылды.

▪ 6 шілде 2015 ж. – Мультимедия залы ашылды.


▪ 22 тамыз 2015 ж. - «Оқырман  ұрпақ – Қазақстанның болашағы» атты Кітап фестивалі.


▪ 24 тамыз 2015 ж. - ҚР Конституциясының 20 жылдығы аясында «Конституция» залының ашылуы.


▪ 11 қыркүйек 2015 ж. – «Барыс» мұз сарайында Қазақ хандығының 550 жылдығына орай «Қазақ хандығынан – Мәңгілік елге» атты кітап көрмесі.


▪ 19 қыркүйек 2015 ж. - «Перо» әдеби клубының ашылуы.


▪ 25 қараша 2015 ж. - «Құнды тарту» залының ашылуы.


▪ 27 қараша 2015 ж. «Оқырман қауым – Ұлы дала Елінің болашағы» тақырыбындағы Халықаралық Оқу Конгресі.


▪ 5 қаңтар 2016 ж. – «Қазақстан жаңа жаһандық нақты ахуалда: өсім, реформалар, даму» атты кітап көрмесінің ашылуы


▪ 27 қаңтар 2016 ж. – Белгілі жазушы, Қазақстанның еңбек сіңірген қайраткері Әкім Таразидің жеке кітап коллекциясының ашылуы.


▪ 8 ақпан 2016 ж. – «Ақындар Тәуелсіздікті жырлайды» тақырыбындағы поэзиялық марафон.


▪ 19 ақпан 2016 ж. – ҚР Ұлттық академиялық кітапханасының жанынан кітапханалар қызметтерін Үйлестіру кеңесі құрылды.  


▪ 16 наурыз 2016 ж. – «Кітап – дәуір айнасы» атты Ашық есік күні.


▪ 1 сәуір 2016 ж. -  «Бұл кітап әлемі...» атты Кітап айлығының басталуы.


▪ 7 сәуір 2016 ж. – Кембридж университетінің профессорлары Фируза Мелвилл (Абдуллаева) мен Чарльз Петер Мелвилл «Шахнаме» туралы ғылыми дәрісі.


▪ 22 сәуір 2016 ж. – «Пайым мен парасат падишасы – кітап» атты Ашық Есік күні.


▪ 12 мамыр 2016 ж. – ақын, Қазақстанның Халық жазушысы, қоғамдық және саяси қайраткер Олжас Сүлейменовтің 

80 жылдық мерейтойына арналған кездесу кеші.


▪ 14 мамыр 2016 ж. – көрнекті жазушы, Мемлекеттік сыйлықтың иегері Дүкенбай Досжанның құрметіне «Жазушы» залының ашылуы.


▪ 28 мамыр 2016 ж. – ҚР  Ұлттық академиялық кітапханасының басшысы Мұңалбаева Үмітхан Дәуренбекқызы оқырмандармен кездесуі.


▪ 27 маусым 2016 ж. – Кітапхана ісі бойынша Көркемдік Кеңестің кеңейтілген бірінші отырысы: «Мәңгілік ел: мәңгілік мәдениет ошағы – кітапхана».


▪ 25 шілде   2016 ж. – британдық жазушы, журналист Ник Филдингтің «South to the Great Steppe: The Travels of Thomas and Lucy Atkinson in Eastern Kazakhstan, 1847-1852» («Оңтүстікке Ұлы далаға: 1847-1852 жылғы Томас пен Люси Аткинсонның Шығыс Қазақстанға саяхаты») атты кітабының тұсаукесері және Томас Аткинсон ұрпақтарымен кездесу.


▪ 21-27 тамыз 2016 ж. – «Кітапханалық туризм» жобасы аясында ҚР Ұлттық академиялық кітапханасының қызметкерлері  Алматы және Алматы облысындағы іссапары.


▪ 1 қыркүйек 2016 ж. – «Мәңгілік ел – білімді ел» атты Ашық есік күні.


▪ 7 қыркүйек 2016 ж. – «Қазақстандағы македон мәдениеті күндері» жобасы аясында Македон бұрышының ашылуы.


▪ 7 қыркүйек 2016 ж. – ҚР еңбек сіңірген ғылым қайраткері, Халықаралық жоғары мектептер ғылым академиясының құрметті академигі,  профессор Тұрсынбек Кәкішевтің жеке кітапханасы бойынша «Ғалым» залының ашылуы.


▪ 15-16 қыркүйек 2016 ж. – ҚР Тәуелсіздігінің 25 жылдығына байланысты «Әлем. ХХІ ғасыр. Оқу арқылы рухани үндестік пен мәдениетке» тақырыбында Халықаралық Кітапханашылар конгресі.


▪ 25 қазан 2016 ж. – ҚР Ұлттық академиялық кітапханасының бастамасымен Корей Ұлттық кітапханасында Қазақстан әдебиеті орталығының ашылуы.


▪ 31 қазан 2016 ж. – Қырғызстан Республикасының Ұлттық кітапханасында Қазақ әдебиеті мен мәдениеті орталығының ашылуы.


▪ 8 қараша 2016 ж. – Будапешттегі Сечени атындағы Венгрия Ұлттық кітапханасында Қазақстан әдебиеті орталығының ашылуы.


▪ 9 қараша 2016 ж. – «ТӘУЕЛСІЗДІК. ӘДЕБИЕТ. ҚАЛАМГЕР» Республикалық зиялы қауым форумы.


▪ 17 қараша 2016 ж. – Түркия Ұлттық кітапханасында Қазақ әдебиеті және мәдениеті орталығының ашылуы.


▪ 24 қараша 2016 ж. – Ресей Мемлекеттік кітапханасының Шығыс әдебиеттері орталығында Қазақ әдебиеті бұрышының ашылуы.


▪ 28 қараша 2016 ж. – Қазақстан Республикасының Тұңғыш Президенті «Біздің Президент. Көшбасшылық феномені» тақырыбындағы кітап көрмесінің ашылуы.


▪ 29 қараша 2016 ж. – ФинляндияныңҰлттық кітапханасында Қазақстан әдебиеті орталығының ашылуы.


▪ 30 қараша 2016 ж. – ҚР Ұлттық академиялық кітапханасындағы Қырғыз әдебиеті орталығының ашылуы.


▪ 15 желтоқсан 2016 ж. – Қытай Ұлттық кітапханасында Қазақстан әдебиеті орталығының ашылуы.


▪ 4 қаңтар 2017 ж. – халықаралық «EXPO-2017» көрмесі орай «Астана EXPO-2017 – «БОЛАШАҚТЫҢ ҚУАТЫ» тақырыбындағы кітап көрмесі.


▪ 1 ақпан 2017 ж. – қазақтың танымал дәстүрлі әншісі Әміре Қашаубайұлының өмірі жайлы «Әміре Парижде» атты кітаптың тұсаукесері.


▪ 10 ақпан 2017 ж. – Қазақстанның Шетелдермен дипломатиялық қарым-қатынас орнатқанына 25 жыл толуына орай «Кітап – халықтар достығының ұйтқысы» атты акциясы.


▪ 24 ақпан 2017 ж. –  «Бір ел - бір кітап - 2017» Республикалық акциясының ұйымдастыру комитетінің отырысы аясында жалпыхалықтық оқуға «Жыл кітабын» С.Торайғыровтың шығарламалары таңдалды.


▪ 4 наурыз 2017 ж. –  ақиық ақын Төлеген Айбергеновтың 80 жылдығына орай «Сен мені ізде, аяулым» атты ән-жыр кеші.