Үстіміздегі жылдың 26 ақпанында Қазақстан Республикасының Ұлттық академиялық кітапханасында тәуелсіз Қазақстанның тарихына арналған «Қазақстан – жасампаз жетістіктер жолында», көрмесі салтанатты түрде ашылды.
Көрмедегі басты тақырып 2010 жылғы «ЕКХҰ Қазақстанның төрағалық етуі». Біздің республиканың кандидатурасын ЕҚХҰ –на қатысушы 56 елдің бәрі бірауыздан қолдады, сөйтіп, олар Қазақстанның демократиялық қоғам және либералды нарық экономикасын құрудағы жетістіктерін мойындады.
Одан әрі көрме мемлекеттің дамуындағы негізгі кезеңдерді баяндайды, ел Президенті Н.Ә.Назарбаевтың Қазақстан мен оның жаңа ордасы Астананы қалыптастырудағы ролін ашады. Оқырмандарды мемлекеттік тілді, білімді, денсаулықты, космонавтика, спортты дамыту бағдарламалармен таныстырады. Экспозицияның кейбір бөлімдері Н.Ә.Назарбаевтың еңбектеріне, Елбасының «Жаңа онжылдық – жаңа экономикалық өрлеу – Қазақстанның жаңа мүмкіндіктері» Жолдауына, Қазақстан халықтары ассамблеясына және «Мәдени мұра» Мемлекеттік бағдарламасына арналған.
Көрмені ашарда ҚР ҰАК бас директорының орынбасары Ж.Б.Үсенбаев, халық жазушысы - Әкім Тарази, ҚР Парламент Мәжілісінің депутаты Ж.К.Сүлейменов сөз сөйледі. Олар Қазақстан бүгінде өзінің болашағын анық айқындағанын, халықаралық беделінің өсіп келе жатқанын атап өтті. Осы көрме арқылы оқырмандар Қазақстан туралы тың деректерге қанықты, әдебиеттің әртүрлі жанрларымен танысты. Сонымене бірге Қазақстан туралы экспозициялар Елбасы Жолдауының негізгі қағидаларын айшықтауда және содан туындайтын міндеттерді түсіндіруде кітапхана қызметкерлері белсенді түрде ақпараттық жұмыстар жүргізуде.
Жастардың ел өміріндегі ролі туралы «Нур Отан» ХДП Астана қалалық филиалы жанындағы жастар маслихатының мүшесі, С.Сейфуллин атындағы Қазақ агротехникалық университетінің 3-ші курс студенті Ғабиден Нұрпейісов баяндап берді. Ол бүгінде жастардың белсенді өмірлік көзқарасының өте қажет екенін және еліміздің гүлденуінің әрқайсымызға байланысты болатынын атап өтті.
Көрме ашылар кезде Қазақстан туралы жырлар оқылды.Оны оқығандар «Жұлдыз» балалар қоғамдық ұймы Одағының мүшелері.
Көрмені ашуға оқырмандар, кітапханашылар және «Қаржы академиясы» АҚ колледж оқушылары қатысты. Көрмеге келушілер үшін кітапхана маманы А.М.Мұрсалимова шолу жасады.
«Қазақстан – жасампаз жетістіктер жолында» көрмесі жыл бойы жұмыс істейді.
