Осы жылдың 5 ақпанында Қазақстан Республикасының Ұлттық академиялық кітапханасында 2009 жылы атқарылған жұмысты қорытындылайтын есеп беру жиналысы болып өтті. Оның жұмысына ҚР Мәдениет және ақпарат министрлігінің мәдениет комитетінің аймақтарды және кітапханаларды дамыту басқармасының меңгерушісі С.Б.Тәуекелов, Қазақстанның халық жазушысы Әкім Тарази, ҚР Ұлттық академиялық кітапхананың бас директоры Р.Қ.Отарбаев қатысты.
ҚР ҰАК 2009 жылы атқарылған жұмысының ғылыми-ұйымдастыру барысы ғылыми ұйымдастыру орталығы жетекшісінің орынбасары Қ.Х.Нұралинованың баяндамасында екжей-текжейлі талданды. 2010 жылдың басына қарай ҚРҰАК оқырмандарының саны 20003 адамға жетті. Оқырмандардың ең белсенділер қатарында студенттер мен оқушылар, олардың саны 11314, бұл келушылердің 56,5 % құрайды. Бір қуанышты жай, оқырмандар арасында ғылыми-техникалық қызметкерлер саны 2008 жылғы 2277 адамнан 2009 жылы 2520 адамға өскен. Кітапхана қорындағы кітаптардың жалпы саны 2010 жылдың басына қарай 654341 данаға жеткен, соның ішінде мемлекеттік тілдегісі – 145842.
ҚРҰАК 2009 жылығы бюджетті игеру жұмысымен бас экономист А.М. Айтқазина таныстырды. «ҚРҰАК кітапхана ісінің әдістемелік орталығы іспеттес» шолуды ғылыми-талдау орталғының жектекшісі М.Б.Валиулина жасады. Ғылыми-хатшы Ғ.Б.Исақанова «Кітап патшалығы»және «Бір ел- бір кітап» кітабының тұсаукесерін өткізді. Жаңа «ТЕЛЕЛИФТ» жобасымен бас директордың орынбасары Ә.Н.Сәрсембинова таныстырды. «ҚРҰАК кітапханалар қауымдастығында» және « ҚРҰАК қоғам мүшелерінің көзімен» тақырыбы бойынша топ жетекшісі Т.Г.Ермекпаева хабарлама жасады, ал ҒҰО маманы Ж.А.Өтегенова 2010 жылға міндеттермен таныстырып өтті.
Есеп беру жиналысын ҚРҰАК бас директоры Р.Қ.Отарбаев қорытындылады. Ол өз сөзінде кітапхана мамандарының біліктілігін көтере беру, тәжірибе алмасу мақсатында түрлі семинарлар мен тренингтерге қатысу, жаңа технологияларды енгізу және қазақ халқының рухани байлықтарын игеру мақсатында мәдени-ағарту шараларынан тыс қалмай, оларды жүйелі түрде өткізу, патриоттыққа тәрбиелеу, оқырмандардың азаматтық көзқарастарын дамыту қажеттігін атап өтті. Бас директор ұжым мүшелеріне өткен жылға жемісті еңбектері үшін алғыс айтты, алдағы міндеттерді игеру жолында шығармашылық табыс тіледі.
Ұжымның есеп беру жиналысының қорытындысы бойынша қарар қабылданды.
