«Бір ел – бір кітап» акциясы - 2011

«Бір ел – бір кітап» акциясы

Басты назарда – Жүсіпбек Аймауытұлы мен оның «Ақбілек» романы

Осы жылдың 29 қыркүйек күні ҚР Ұлттық академиялық кітапханасында «Бір ел – бір кітап» акциясына, яғни Жүсіпбек Аймауытовтың «Ақбілек» романына арналған «Қыз тағдыры – қыз мұңы» атты сахналық қойылым, «Ақбілек тағдырына менің көзқарасым» ток-шоуы, оқу марафоны, «Ақбілек» романы – ұлт тағдыры» тақырыбындағы дөңгелек үстел болып өтті.

Бұл іс-шарлардың өтетіні жайлы ҚРҰАК-ның сайтына ақпарат пен Астана қаласының орта және жоғары білім беру орындарында акцияның логотипі берілген плакаттар ілінді. 29 қыркүйек күні акцияның ашылуы өткен кітапхана фойесіне оқушылар, колледж және университет студенттері мен мұғалімдер, ҚР ІІМ училищесінің білім алушылары, т.б. – жалпы 300-дей оқырман жиналды.

Ашылу салтанатында сөз алған ҚР Мәдениет министрлігі Тарихи-мәдени мұралар басқармасының бастығы Базарбай Алтаев, Қазақстанның Халық ақыны Фариза Оңғарсынова, ҚР Мемлекеттік сыйлығының лауреаты, жазушы Әкім Тарази, филология ғылымдарының докторы, профессор, жазушы, ғалым Тұрсын Жұртбай, филология ғылымдарының докторы, профессор Рақымжан Тұрысбек, Л.Н. Толстой атындағы Қостанай облыстық әмбебап ғылыми кітапханасының директоры Г.Ғ. Қазина, ҚР Ұлттық академиялық кітапханасы бас директорының орынбасары Ғ.Б. Исақанова қазақ әдебиетін насихаттау мен адамгершілік-отансүйгіштік тәрбие берудегі акцияның рөлі мен Ж.Аймауытұлының қазақ әдебиеті мен тілінің дамуына қосқан үлесі, Ақбілек образынының өміршеңдігі жайлы сөз етті.

Арнайы акцияға арналып, оқырмандарды 2007 жылдан басталған «Бір ел – бір кітап» акциясының тарихымен таныстыратын кітап көрмесі ұйымдастырылды.

«Бір ел – бір кітап» акциясының ұйымдастырушылары – ҚР Мәдениет министрлігі мен ҚР Ұлттық академиялық кітапханасы. Акция бойынша жұмыстар жыл басынан бастау алды. Облыстық, аудандық, ауылдық кітапханалар мен оқу орындарының кітапханаларында Ж.Аймауытовтың «Ақбілек» романын талдауға, романның автордың шығармашылығы мен қазақтың рухани мұрасында алатын орны мен мәнінің негізделуіне арналған іс-шаралар болып өтті. Қыркүйек соңында кітапханаларда акцияны қорытындылау іс-шаралары өткізілді.

ҚР ҰАК іс-шаралары:

Оқу марафоны