Қазақстан Республикасы Конституциясына 30 жыл толуына орай бүгін Қазақстан Республикасы Ұлттық академиялық кітапханасы мен  Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорыны арасында ынтымақтастық туралы Меморандумға қол қою рәсімі өтті.

Кітапхана басшысы Ғазиза Құдайбергенқызы құқықтық білімді арттыруға ықпал ету және ғылыми-құқықтық, ақпараттық ынтымақтастықты дамытуды мақсат еткен тарихи сәттің маңыздылығына тоқталды.

«Кітапхана тек көркем әдебиетті насихаттайтын емес, білім мен  ілімнің барлық саласын қамтитын рухани орталық. Цифрлық кеңістіктегі қауіп пен қатерден сақтануда заңға сүйене отырып, сіздермен бірлесіп жұмыс  атқаратынымызға қуаныштымыз» - деді Ғазиза Құдайбергенқызы. 

Өз кезегінде сөз алған «Қазақстан Республикасының Заңнама және құқықтық ақпарат институты» ШЖҚ РМК директоры Индира Оралқызы:

«Келісім шарт негізінде кітапханашылар мен кітапхана оқырмандарының құқықтық, қаржылық сауаттылығын арттыра отырып, бірлескен ғылыми іс-шараларды, заң аясында бірлескен жобаларды іске асырамыз деп сеніи білдіреміз» - деді.

Алдағы уақытта қос тарап қызметкерлерінің заңды қаржылық сауаттылығын арттыруға бағытталған іс-шаралар, заң кеңестері,  кітапханашылар мен оқырмандарды интернеттегі доксинг, фишинг, буллинг, уэйлинг т.б онлайн алаяқтардан сақтандыру және көмек орталықтарының қызметін  күшейту сынды жұмыс жоспарлары нақтыланбақ.

Қонақтар кітапханаға экскурсия жасап, тыныс-тіршілігімен танысты.

Іс-шараға Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК  өкілдері және кітапханашылар қатысты.