Қазақстан Республикасы Мәдениет және ақпарат министрлігінің қолдауымен ҚР Ұлттық академиялық кітапханасының ұйымдастыруымен  ақын, филология ғылымдарының кандидаты, аудармашы Оңайгүл Тұржанның «Ағаштар үнсіз өседі» кітабының таныстырылымы өтті.

Оңайгүл Тұржанның бұл  жыр жинағына соңғы жылдары жазылған өлеңдері мен поэмалары енгізілген. Ақынның табиғатпен тілдесе өрілетін өмір философиясы, отаншылдық, адами құндылықтарға өзек болған.

Кітап мазмұны екі бөлімнен тұрады. Ақын адамзаттың бүгінгі ең биік шындық деп қабылдаған құндылықтарының өзара күресін сабырмен бақылай отырып, олардың мәні яғни онтологиясы туралы ойланады, түйдек-түйдек поэтикалық ойлары мағынасы кеңейген метафоралармен жарқырай көрінеді.

Шараға белгілі қоғам және мемлекет қайраткерлері, ақын жазушылар,  БАҚ өкілдері,  журналистер,  оқырмандар және т.б қатысты.