Кітапханада белгілі қоғам қайраткері, саяси-қоғамдық тақырыптағы көптеген кітаптардың авторы, «Әлем Қазақтары» журналының бас редакторы Үзбен Құрманбайұлының кезекті еңбегі «Адамзаттың ақ жолын Мейірімділік заңдылығы ғана ашады» журналының және Тәуелсіздік күніне орай, жарық көрген «Менің Астанам - ғажайып қала» атты кітабының тұсаукесері өтті.

Жинақ бүгінгі қоғамды тығырықтан шығаруға, халықты тыныштандыруға, әлемді азаматтық қоғамға бет бұруға бағытталған. Еркіндік демократиялық заңдылығын мейірімділік заңдылығымен ұштастыру арқылы бейбітшілік, әділдік, тепе-теңдік орнатып, адамдарды байлық пен бақытқа жеткізуге болатынын жан-жақты дәлелдеген бұл еңбектің адамзат баласына тигізер пайдасы орасан. Ең негізгісі - әлем халқын үрейсіз, қорқынышсыз жарқын болашақ күтіп тұрғанын қазақ даналығы арқылы дәлелдеуі. Кітап қазақ, орыс, ағылшын тілдерінде жазылып БҰҰ-ның бас хатшысына ұсынылған.

Шараға зиялы қауым өкілдері, бақ өкілдері, оқырмандар қатысты.