ҚР Ұлттық академиялық кітапханасының директоры Ғ.Құдайбергенқызы мен мекеме қызметкерлері Қазақстандағы Әзербайжан елшілігінің ұйымдастыруымен өткен Әзербайжанның 44 күндік Отан соғысына арналған «Отан соғысының тарихы. Тұлға факторы» кітабының тұсаукесеріне қатысты.

      Баку қаласының атқарушы билігі мен Әзірбайжан Ұлттық ғылым академиясының Аббаскулу Аға Бакиханов атындағы Тарих және этнология институтының бірлескен жобасы аясында жарық көрген кітапта Әзірбайжан Республикасының Президенті Ильхам Гейдароглы Әлиевтің Әзірбайжанның жан-жақты дамуын, халықтың бірлігін, елдің егемендігі мен аумақтық тұтастығын қамтамасыз еткен көшбасшы ретіндегі рөлі, дипломатия мен ақпарат саласындағы күресі, жеңіс стратегиясының негізгі бағыттары мен геосаяси салдары, сонымен қатар Президент Ильхам Әлиевтің Қарабақтың әлеуметтік-экономикалық дамуы саласындағы соғыстан кейінгі стратегиясы кеңінен қамтылған. Айтулы еңбекті Әзірбайжанның жаңа тарихы туралы құнды ақпарат көзі деуге негіз бар.