Апталық ресейлік жазушылар Вера Богданова және Рахим Джафаровпен «Орыс заманауи әдебиетіндегі автофикция» тақырыбындағы шығармашылық кездесуден басталды. 

Ресейлік жазушылар Рахим Джафаров пен Вера Богданова балалық және жастық шақтағы естеліктерді заманауи ойлармен астастарып жазатын  шебер авторлар.

 Одан соң орыс ақындары Андрей Коровинмен және Дмитрий Гасинмен «Поэзия – тілдің билеушісі» атты рухани кездесу өтті.

Шығармашылық кездесу орыс ақыны Евгений Чигринмен жалғасты.  Евгений Чигрин - қазіргі заманның ең көрнекті ақындарының бірі. Оның өлеңдерінің таңдамалылары ресейлік және шетелдік әдеби журналдарда жарияланып, бірқатар еуропалық және отандық антологияларға енген. Сонымен қатар, ресейлік жазушы және публицист Александр Мелиховпен және балалар жазушысы және сценарист Лада Кутузовамен кездесу де ойдағыдай өтті.  

            Александр Мелихов - кеңестік және ресейлік жазушы және публицист. Лада Кутузова  ресейлік кішкентай оқырмандар сүйіп оқитын балалар жазушысы.

Әдеби шолушы, Forbes журналисі Наталья Ломыкина және жазушы, журналист Яна Вагнер де апталық аясында қазақстандық оқырмандармен жүздесті.

Наталья Юрьевна Ломыкина – филология ғылымдарының кандидаты, Forbes журналисі.

Шығармашылық кездесулердің мақсаты – екі ел арасындағы рухани, әдеби, мәдени байланысты нығайту. Ресей ақын жазушыларымен пікрілесе отырып, шығармашылық жоспарларымен, жаңалықтарымен танысу.

Аптаның сенбісінде Қазақстан Республикасында "Листаем эстонские книги" атты кітаптың иллюстрацияларына арналған көрменің ашылуы және "Путешествие Лотте на юг" атты толықметражды мультфильмнің көрсетілімі өтті. Іс-шара Қазақстандағы Эстония Елшілігімен бірлесіп ұйымдастырылды.

Эстонияның балалар әдебиеті бүгінде жаңа белеске көтерілген. Жан-жақты жанрлар мен стильдегі балаларға арналған туындылар түрлі-түсті дизайнмен кішкентай оқырманын баурап алады.

Салтанатты шараға Эстонияның Төтенше және Өкілетті Елшісі Тоомас Тирс, дипкорпус өкілдері, қала мектептерінің оқушылары мен кітапхана оқырмандары қатысты.