13 наурыз күні сағат 15.00-де кітапханамызда  танымал журналист, сарапшы Мәриям Әбсаттардың «Алаш зиялыларының соңғы сөзі»  кітабының таныстырылымы өтті.
Бұл кітап – автордың 15 жыл бойғы еңбегінің жемісі. Алаш арыстарының артында қалған ұрпақтарының бүкпесіз әңгімесінен алынған. Автор Алаш зиялыларына қатысты ақпараттарды жіті зерттеп, Арқа мен Атыраудың арасындағы ұланғайыр даланы шарлап, текті ұрпақтың естеліктерін, бастан кешкендерін қағазға түсірді.
          
Өз тарихын білгісі келетін, ұрпағының отансүйгіш болып қалыптасқанын қалайтын әрбір оқырман үшін құнды кітап.