"Кітаппен білімге" атты кітап көрмесі

2 сәуір – Халықаралық балалар кітабы күніне орай ҚР Ұлттық академиялық кітапханасында жас оқырмандарға арналған "Кітаппен білімге" атты кітап көрмесі ұйымдастырылды.

Көрменің мақсаты – балалар арасында кітап оқуға қызығушылықты арттыру,  балалар әдебиетінің маңыздылығын насихаттау,  жас ұрпақтың рухани және интеллектуалды дамуына ықпал ету. 

Мерекелік жиынға қатысқан мектеп оқушылары мен балабақша бүлдіршіндері кітапхананың тыныс-тіршілігімен танысып, кітап көрмесін тамашалады.

Айтулы күн аясындағы кітап көрмесіне заманауи және  классик балалар жазушыларының  көркем әдебиеттері қойылды. Сонымен қатар көрмеге келген балалар қазақ, орыс, ағылшын, неміс, қытай тілдеріндегі  балалар кітаптарымен, мерзімді басылымдармен танысты.

Іс-шараға № 83 "Жансая" бала-бақшасының "Болашақ" мектепке даярлық  тобының бүлдіршіндері мен№66 мектеп-лицейінің 1 сынып оқушылары  және кітапхананың оқырмандары  қатысты.