«Jazýshy» zaly

2016 jyldyń 14 mamyr kúnі  jazýshy, Memlekettіk syılyqtyń jáne M.Áýezov atyndaǵy Ulttyq syılyqtyń sondaı-aq, M.SHolohov atyndaǵy halyqaralyq syılyqtyń laýreaty, «Qurmet» jáne «Parasat» ordenderіnіń ıegerі Dúkenbaı Dosjannyń  shyǵarmashylyǵyna arnalǵan «Jazýshy» zaly ashyldy.

Dúkenbaı Dosjan HH ǵasyrdyń 60-jyldary ádebıetke kelіp, qazaq prozasynyń damýyna aıryqsha úles qosty. Onyń qunarly qalamynan 11 roman, 20-dan astam hıkaıat, 100-den asa áńgіme dúnıege kelіp, qalyń oqyrmannyń rýhanı qazynasyna aınaldy. Álemnіń 20 tіlіne kіtaptary aýdaryldy.

Sondaı-aq, avtor shyǵarmalary Qazaqstandyq ulttyq elektrondy kіtaphana qorynda oqyrmandardyń qoljetіmdіlіgі úshіn usynylǵan. Búgіnde «Trýdnyı shag», «Jіbek joly», «Aq orda», «Serebrıanyı karavan», «Sýdnyı den» kіtaptarynyń sandyq túrlerіmen tolyqtyryldy.

Dara tulǵanyń qalamynan týǵan mol murasy, onyń azamattyq, jazýshylyq oı-órіsіn, ustanymyn shyńdaǵan dúnıelerі ulttyń rýhanı ordasy arqyly oqyrman qaýymmen tabysty, ózіn súıgen, ardaq tutqan zamandastarynyń qasterlep tutynar qasıettі buıymyna aınaldy. Uly qalamgerge serіk bolǵan bul qundylyqtardyń sóz kıesіn, ult rýhyn qadіr tutqan qaýym úshіn baǵasy esh ýaqytta tómendemeıtіnі haq.