Өнер әдебиеттері оқу залы

Өнер залы оқырмандарға кітап оқу, фильм көру, мультимедиалық ресурстар қорынан музыка тыңдау мүмкіндіктерін ұсынады. Залда арнайы кәсіби құжаттар қоры орналасқан. Бұл қор сәулет, музыка, бейнелеу және кескіндеме тағы басқа өнер салаларын қамтиды. Өнер залы қорында әлемдік және отандық өнер туралы туындылар мен көрнекті өнер қайраткерлерінің, белгілі сазгерлердің, музыканттардың, өнертанушылардың шығармалары мен СD және DVD жеткізгіштеріндегі электронды түрлері орын алады. Сонымен қатар  оқырмандар ноталық басылымдарды тыңдап әрі оны күйсандықта орындайды.

Бұл залда көрмелер, кездесулер өткізіліп, деректі және көркем фильмдер, музыкалық және концерттік бейне көрсетілімдер көрсетіліп тұрады.

ҚРҰАК Өнер залы өнер саласы бойынша әлем әдебиеттерінің әмбебап қорын құра отырып, Қазақстан мәдениеті мен өнері бойынша әдебиеттер қорын жетілдіру мен насихаттауды басым міндеттер қатарына қояды.

4 қабат, 404 кабинет