Jalpy oqý zaly

Bul zaldyń negіzgі mіndetі oqyrmandarǵa tolyq, árі jyldam, aqparattyq qyzmet kórsetý bolyp tabylady. Kópshіlіk oqý zalynda kіtaphananyń negіzgі qorynyń jáne zaldyń qosalqy qorynyń qujattaryn paıdalanýǵa, qujattardy іzdeý men tapsyrys berý boıynsha keńester alýǵa, taqyryptyq kórmeler men jańa túsken kіtaptar kórmesіnіń qujattaryn paıdalanýǵa ruqsat etіledі. Jalpy oqý zalynyń qosalqy qorynda ǵylymnyń barlyq salalarynan ámbebap mazmundaǵy anyqtamalyq ádebıetter men entsıklopedııalardyń 1305 atalymynda danalary jınaqtalǵan.

2010 jyldan bastap kіtaphanada monorelstіk transporttyq «Telelıft» júıesі іske qosyldy. Bul júıenіń jumysynyń negіzіnde kіtap saqtaý qorynan jіberіlgen kіtap nemese basqa qujat túrlerі kіtaphananyń  oqý zaldaryna azǵana mınýttardyń іshіnde jetkіzіlіp turady. Uzyndyǵy 450 metrdі quraıtyn bul telelıft júıesі kіtaphananyń barlyq oqý zaldarynda ornatylǵan. Eń uzaq stantsııalardyń arasynda  júrý ýaqytynyń ózі 5 mınýt. «Telelıft» júıesіn ornatý oqyrmandarǵa qyzmet kórsetýdіń deńgeıіn arttyrýda,  QR Ulttyq akademııalyq kіtaphanasynyń zamanaýı kіtaphana kelbetіn qalyptastyrýynda óte mańyzdy qadam bolyp tabylady. Telelıfttі TMD elderіnіń іshіnde Belorýsııadan keıіn ekіnshі bolyp Qazaqstan (QR Ulttyq akademııalyq kіtaphanasy) іske qosty jáne ol Ortalyq Azııada alǵashqy bolyp tabylady. 

4 qabat, 420 kabınet

E-mail: ochz@nabrk.kz