Жалпы оқу залы

Бұл залдың негізгі міндеті оқырмандарға толық, әрі жылдам, ақпараттық қызмет көрсету болып табылады. Көпшілік оқу залында кітапхананың негізгі қорының және залдың қосалқы қорының құжаттарын пайдалануға, құжаттарды іздеу мен тапсырыс беру бойынша кеңестер алуға, тақырыптық көрмелер мен жаңа түскен кітаптар көрмесінің құжаттарын пайдалануға рұқсат етіледі. Жалпы оқу залының қосалқы қорында ғылымның барлық салаларынан әмбебап мазмұндағы анықтамалық әдебиеттер мен энциклопедиялардың 1305 аталымында даналары жинақталған.

2010 жылдан бастап кітапханада монорельстік транспорттық «Телелифт» жүйесі іске қосылды. Бұл жүйенің жұмысының негізінде кітап сақтау қорынан жіберілген кітап немесе басқа құжат түрлері кітапхананың  оқу залдарына азғана минуттардың ішінде жеткізіліп тұрады. Ұзындығы 450 метрді құрайтын бұл телелифт жүйесі кітапхананың барлық оқу залдарында орнатылған. Ең ұзақ станциялардың арасында  жүру уақытының өзі 5 минут. «Телелифт» жүйесін орнату оқырмандарға қызмет көрсетудің деңгейін арттыруда,  ҚР Ұлттық академиялық кітапханасының заманауи кітапхана келбетін қалыптастыруында өте маңызды қадам болып табылады. Телелифтті ТМД елдерінің ішінде Белорусиядан кейін екінші болып Қазақстан (ҚР Ұлттық академиялық кітапханасы) іске қосты және ол Орталық Азияда алғашқы болып табылады. 

4 қабат, 420 кабинет

E-mail: ochz@nabrk.kz