«Ǵalym» zaly

Qazaqstan Respýblıkasynyń eńbek sіńіrgen ǵylym qaıratkerі, fılologııa ǵylymdarynyń doktory, professor Tursynbek Kákіshevtіń jeke kіtaphanasynda gýmanıtarlyq ǵylymdar boıynsha bes myńǵa jýyq kіtap, sondaı-aq belgіlі jazýshylar Sáken Seıfýllın, Sábıt Muqanovtardyń ómіrі men qyzmetіne qatysty qundy muraǵattyq qujattar bar. Ǵalymnyń qoljazbalary, muraǵattyq qujattary men basqa da materıaldarynan quralǵan 83 papka qujat kіtaphanaǵa syıǵa berіldі. Tursynbek Kákіshevtіń jeke kіtaphanasyn ǵalymnyń jubaıy, fılologııa ǵylymdarynyń doktory, professor Kúlásh Sadyqqyzy Ahmet QR Ulttyq akademııalyq kіtaphanasynyń qoryna tartý ettі.  
T. Kákіshev kіtaphanasyn óte úlken árі qory baı jeke kіtaphanalardyń bіrі dep ataýǵa bolady. Kіtaphanadan ıesіnіń ózіnіń іrі tulǵa ekendіgі – onyń entsıklopedızmі, keń oı-órіsі, ynta-jіgerі, tereń bіlіmdіlіgі kórіnedі. Syıǵa tartylǵan týyndylar qatarynda arab tіlіndegі sırek basylymdar jáne latyn álіpbıіndegі qazaq balalar ádebıetі, kórkem ádebıetter, ádebıettaný, tarıh, arhıtektýra, óner, entsıklopedııalar toptamalary, anyqtamalyqtar, otandyq jýrnaldar, antıkalyq avtorlardyń kіtaptary da kóptep tabylady, sondaı-aq qyrǵyz, qytaı jáne túrіk tіlderіndegі týyndylar da kezdesedі.   
«Ǵalym» zaly aqparattyq, mádenı jáne bіlіm berý mіndetterіn atqarady. Negіzgі mіndetі: paıdalanýshylarǵa, sol qatarda zertteýshіlerge, ǵalymdarǵa, magıstranttarǵa aqparattyq-bıblıografııalyq qyzmet kórsetý, mádenı-kópshіlіk іs-sharalar ótkіzý.