«Qundy tartý» zaly

Zaldyń saltanatty ashylýy 2015 jyldyń 25 qarashasynda boldy. Bul zaldyń qoryndaǵy kіtaptar «Qundy tartý» aktsııasy aıasynda QR Ulttyq akademııalyq kіtaphanasyna syıǵa tartyldy. Toptama quramynda – bіlіmnіń ártúrlі salalary boıynsha: tarıh, fılosofııa, ekonomıka, saıasat, tіl bіlіmі jáne ádebıettaný, túrkіtaný jáne óner týraly basylymdar bar. Olardyń іshіnde – kórkemdіk bezendіrіlýі boıynsha sırek reprınttі, az tırajdy, polıgrafııalyq oryndalý úlgіlerі, túptelý ónerі jaǵynan  keremet kіtaptar, shaǵyn basylymdar.

Bul katalogtaǵy sırek kіtaptar: 700 jyldardan bastap bіr áýlettіń úrіm-butaǵynyń bastamasymen qaǵaz betіne túsіrіlgen «Quran tápsіrlerі», ıaǵnı ejelgі Quran túsіnіktemesі; Djon Rashýottyń tarıhı toptamasynan 1886 jyly jarııalanǵan 10 shejіrenіń bіrі; 1734 jyly Parıjde baspa betіn kórgen Qytaı, Iran, Úndіstan jáne Japonııadan túpnusqa túrlerіnde jınaqtalǵan qytaı kartınalary boıynsha kіtaptar; «Jıvopısnoe pýteshestvıe po Azıı» (1839-1840) atty bіregeı basylym; Brokgaýz ben Efronnyń (1890-1901) entsıklopedııalyq sózdіgі, 82 tomy jáne 4 qosymshasy; ár kezeńderdegі Quran bsylymdary jáne basqalar.  

«Qundy tartý» zalynyń qory 5511 ataýdan turatyn 5927 dana kіtaptan turady. 5619 dana kіtaptyń 300 danasy qazaq, 4513-і orys, 1114-і shet tіlіnde.