Біліктілікті арттыру курстар

 

Шеберлікті дамытудың маңызды бағыты – біліктілікті арттыру

 

Кітапхана қызметкерлерінің біліктілігін арттыру – кітапхана мен кітапхана қолданушыларына қызмет көрсету сапасын айтарлықтай жетілдіру, жақсарту мақсатында жоспарлы түрде жүргізілетін тұрақты үрдіс.

Қазіргі заманғы кітапхана қызметкерлерінің кәсіби құзіреттілігі туралы сұрақ кітапхана қызметінің түрлі кезеңінде өзекті болып келді. Жұмыстың міндеттері, формалары және әдістері өзгеріп, технология жетілідіріліп отырды. Оның негізінде жаңа дағдыға үйреніп, жаңа қабілеттерді меңгеру қажеттілігі туындады. Өйткені, білім дегеніміз кітапханашының үдемелі және тұрақты дамуының  басты күші болып табылады.

         Осыған орай, қосымша кәсіби білім беру саласында лицензияға ие  еліміздің басты кітапханасы – Қазақстан Республикасының Ұлттық академиялық кітапханасында кітапхана қызметкерлері үшін біліктілікті жетілдіру курстары өткізіледі. Курс соңында берілетін растау құжаты – сертификат Қазақстанның барлық аймақтарында заңдық күшке ие.    

Кітапхана қызметкерлерінің біліктіктерін жетілдіру курсының бағдарламасы 2017 жылдың 22 қарашасынан басталады. Аталмыш бағдарлама кітапхана саласының мамандарын республикалық деңгейде кәсіби даярлауда барлық қызығушылық танытқан құрылымдарды үйлестіруге септігін тигізеді.

         Курстардың жоспарланып отырған қатысушылары: облыстық, аудандық және ауылдық кітапхана  және білім жүйесі кітапханаларының кітапханашы мамандары.

Қазақстан Республикасы Ұлттық академиялық кітапxанасында біліктілікті арттыру бойынша курстар мен семинарлардың 2017-2018 жылдарға арналған кестесі