Қызметтер

Іс жүргізу және құжат айналымы тобы

Іс жүргізу және құжат айналымы тобы кітапхананың басқару қызметін және құжат айналымын, кітапханадағы іс-қағаздармен жұмысын жүзеге асырады,  кадрлық және заң қызметін қамтамасыз етуді қалыптастырады. Сонымен қатар, ведомстволық мұрағатты құрады, кітапханада өткізілетін әр түрлі мемлекеттік және қоғамдық ұйымдармен жүрзілетін іс-шараларды үйлестіреді.

Басшы - Салықова Эльмира Рахимжанқызы
Тел.: +7 (7172) 472669
E-mail:E.Rakhimzhanova@nabrk.kz


Қорларды құру қызметі (ҚҚҚ)

Қорларды құру қызметі ҚР Ұлттық академиялық кітапханасының қорын тақырыптық-құрылымдық үлгісіне сәйкес жүйелі түрде құрумен айналысады. Негізгі бағыттары: отандық баспа басылымдарын, Қазақстан туралы әлем халықтарының тілдерінде басылып шыққан құжаттарын алыс-жақын шетел баспа басылымдарының барлық түрлерінің топтамаларымен  толықтырады және кітапхана қорын толықтыруда ақпараттық сұраныс пен пайдаланушылардың қажеттілігіне орай қордың сапасын жақсартуды қамтамасыз етеді. Мемлекеттік бағдарлама аясында шығарылатын «Мәдени мұра», «Әдебиеттің әлеуметтік маңызды түрлерін басып шығару» және Қазақстан Республикасында тілдерді дамыту мен қолданудың 2011-2020 жылдарға арналған мемлекеттік бағдарламасы бойынша шығарылатын басылымдардың қорға келіп түсуін қадағалау, Қазақстандық баспа басылымдарының міндетті тегін даналарының қорға жеткізілуін қадағалау, халықаралық кітап алмасу сияқты қорды толықтырудың негізгі көздерімен жұмыс жүргізеді. Қазақстандық Ұлттық электронды кітапхана қорын толықтыруға  ат салысуда.

Басшының орынбасары - Даумова Жанар Сәбешқызы
Тел. +7(7172) 472688
Эл.почта: Z.Daumova@nabrk.kz
 

Құжаттарды өңдеу қызметі (ҚӨҚ)

 

 

Құжаттарды өңдеу қызметі оқырмандар сұранымын жедел және толық қанағаттандыру мақсатында, каталогты жүйелеу арқылы кітап қорын анағұрлым толық ашуды қамтамасыз етеді. Қызметтің негізгі мақсаттары мен міндеттері: кітапханаға түскен құжаттарды ғылыми өңдеу; каталогтендіру саласындағы қолданыстағы халықаралық стандарттар мен ережелерге сай құжаттарға библиографиялық жазба құру және индекстеу; ҚР ҰАК тәжірибелік пайдалануына қатысу, ҚазҰЭК «Каталогизатор» модулін дамыту; ҚазҰЭК толықтыру; электрондық каталогты редакциялау; әлеуметтік маңызды салалық әдебиеттердің мұқабасымен мазмұнын сканерлеу және Электрондық каталогтегі (ЭК) оған сәйкес  библиографиялық жазбаларға тіркеу.


Басшы - Текесбаева Нұрбала Нұртайқызы
Тел. +7(7172) 472687
E-mail: N.Tekesbaeva@nabrk.kz


Кітап және құжаттарды сақтау қызметі (КҚСҚ)

Қызмет оқырмандарға кітапханалық және ақпараттық қызмет көрсетуде ҚР ҰАК-ның негізгі қорының сақталуы мен пайдалануын қамтамасыз етеді, атап айтқанда,  отандық және шетел кітаптары, газет және журналдар, аудио-бейне басылымдар, CD, DVD-дискілер, үнпарақтар, открыткалар және т.б. ҚСҚ-нің негізгі міндеттеріне мыналар кіреді: ҚР ҰАК-ның негізгі қорын орналастыру мен сақтау жұмыстарын ғылыми жүйеде ұйымдастыру, қордың сақталуына қолайлы физико-химиялық, биологиялық және санитарлық-гигиеналық режимдерді бір қалыпта ұстау арқылы кітапхана қорының сақталуы мен қауіпсіздігін қамтамасыз ету. ҚСҚ өз қорында сақталынған кітаптарға оқырмандар сұранысын орындайды (тапсырысты орындау уақыты 20 минутқа дейін). Оқырмандарға қызмет көрсету залдарына кітаптардың жетуі «Телелифт» жүйесі арқылы жасалады.

Басшы – Мұқатаева Жансұлу Қалиқызы
Тел. +7(7172) 472670
E-mail: Zh.Mukataeva@nabrk.kz


Пайдаланушыларға қолдау көрсету қызметі (ПҚКҚ)

Қызметтің негізгі міндеті - оқырмандарға олардың ақпараттық сұраныстарына сай және ҚР ҰАК Пайдалану ережесіне сәйкес жылдам әрі сапалы қызмет көрсету. Пайдаланушыларға қолдау көрсетуді басқару қызметінің құрамына: жалпы оқу залы, мерзімді басылымдар залы, өнер әдебиеттері залы, "Абай" академиялық залы, "Құнды тарту" залы, "Жазушы" залы, "Ғалым" залдары кіреді.
ПҚКҚ-нің оқу залдарында кітапхананың негізгі қоры мен қосалқы қорларының құжаттарын қолдануға, қашықтықтағы мәліметтер қорларына қол жеткізуге, электронды каталог бойынша бағыт-бағдар беретін кәсіби кеңестер алуға, жеке ноутбукті автономды қуат көзі немесе ҚР ҰАК электр желісіне қосу арқылы пайдалануға, кітапхана мен оқу залдарының жұмыс тәртібі жайлы ақпарат алуға болады. 

Басшы - Оразова Күләш Даниярқызы
Телефон: +7(7172) 472662
E-mail: K.Orazova@nabrk.kz

 

 

 

Ақпараттық - библиографиялық сервис қызметі (АБСҚ)

Бөлімнің негізгі қызметі - оқырмандардың барлық санаты үшін ақпараттық-библиографиялық және анықтамалық-іздестіру аппаратын қалыптастыру және оны жүргізу. АБСҚ қызметкерлері жаңа ақпараттық технологияларды пайдалана отырып, анықтамалық-кітапханалық және ақпараттық қызметтерді атқарады. Библиографтар оқырмандардың мүдделеріне сай қашықтықтағы жүйеде www.nabrk.kz порталы арқылы түскен «сұрақ-жауап»  және кітапханаға келген оқырмандардың библиографиялық анықтамаларын орындайды. Күнделікті келіп түскен сұраныстарға  жоғары сапалы және уақытында орындалуын қамтамасыз етеді. ҚР заңына сәйкес толық мәтінді және әлемдік деректер базаларына кіру бойынша библиографиялық қызметті ұйымдастырады. Библиографтардың  дәстүрлі бағыттарының бірі – библиографиялық көрсеткіштерді басып шығару.
E-mail: Виртуалдық анықтамалық қызметі www.nabrk.kz сайтында «Кітапханашыға сұрақ» бөлімі

Басшы – Әли Еркежан Жәкіманқызы
Тел.: +7 (7172) 472657
E-mail: E.Ali@nabrk.kz


Электрондық ресурстарды басқару қызметі (ЭРБҚ)

Қызмет ҚРҰАК-ның процестерiне ақпараттық-коммуникациялық технологияларды енгiзу мақсатымен құрылған.  ЭРБҚ құрамына электрондық ресурстар залы, құжаттарды электрондық жеткiзу секторы, құжаттарды сандық нұсқаға ауыстыру секторы кіреді. Қызметтiң басты бағыттары - Қазақстандық ұлттық электрондық кiтапхана - Электрондық мемлекеттiк кiтапханалық қор (МЭКҚ-ҚҰЭК) жобасын iске асыру болып табылады,  пайдаланушылардың интернет желісіне, қашықтықтағы мәліметтер қорына және мультимедиа–таспалар қорын қолдануын қамтамасыз ету, пайдаланушылардың компьютерлік сауаттылығын дамыту, меншiктi веб-ресурстарын құру және оларды басқару.

Басшы - Безаубекова Сания Серікқызы
Тел.: +7(7172) 472715
E-mail: S.Bezaubekova@nabrk.kz

 


Шетел әдебиетінің орталығы (ШӘО)

Орталық оқырмандарға сапалы ақпараттық-кітапханалық қызмет көрсетуге бағытталған. Негізгі мақсат - жақын және алыс шетелдік өкілдермен, серіктестермен мәдени және гуманитарлық іскерлікті дамыту, қолдау көрсету. ХКО құрамына әлем әдебиеттері залы, ақпараттық даму орталығы (серіктестері - Азия Даму Банкі, БҰҰ даму бағдарламасы, Қазақстандағы Бүкіләлемдік Банк), "Кореяға терезе» бұрышы (ҚР-ғы Корей елшілігі), Пәкістан кітап бұрышы, Гете институт оқу бұрышы (Алматыдағы Гете институты) кіреді. ХКО ақпараттық, мәдени-ағарту бағдарламаларын өткізуге және шет елдердің мәдениетін, салт-дәстүрін, тарихын оқып білуге арналған үлкен орын болып табылады. Орталықта шет тілдерін үйренуге және аралық мәдени диалогты дамытуға барлық қолайлы жағдайлар жасалған.

Басшы - Абильдаева Толқын Жексенғазиқызы
Тел.: +7(7172) 472699
E-mail: T.Abildaeva@nabrk.kz

 

 

Менеджмент және маркетинг қызметі


Қызмет кітапхана ісін жетілдіру, ҚРҰАК-ты әлемдік деңгейде дамыған кітапханалар көшбасшы ретінде таныту мақсатында құрылған. ҒММҚ құрамына кітапханалық маркетинг секторы, әдістемелік бөлім және кітап мұражайы кіреді. Қызметтің басты бағыты отандық кітапхана ғылымын дамыту, кітапхана қызметіне менеджментті енгізу, маркетинг принциптерін кітапхана ісінде пайдалану болып табылады.

Басшының м.а. – Маханова Дамира Ерболқызы
Телефон: +7(7172) 472675
E-mail: D.Mahanova@nabrk.kz

 

 

Ақпараттық - мәдени бағдарламалар қызметі (АМБҚ)

Қызметтің жұмысы ҚР ҰАК-ның позитивтік имидж қалыптасуындағы заманауи, ашық және қарқынды дамушы Қазақстан Республикасының ақпараттық, білім және мәдениет орталығы болуға бағытталған. Қызметтің негізгі міндеттері ақпараттық, білім және мәдени іс-шараларды (акциялар, кітап тұсаукесерлері, дөңгелек үстелдер, атаулы және тұлғалардың белгілі күндеріне арналған көрмелер, дәрістер, көпшілік іс-шаралар және т.б.) ұйымдастыру және өткізу; іс-шараларды мемлекеттік органдар, білім мен мәдениет мекемелері, қоғамдық ұйымдар, шығармашылық бірлестіктер, ұлттық-мәдени орталықтар, сондай-ақ, халықаралық мәдениет және ақпараттық ұйымдармен үйлестіру; кітапхананың www.nabrk.kz web-сайтын мазмұны жағынан толықтыру және жүргізу; кітапхана бойынша ұйымдастырылған экскурсияларды жүргізу және т.б.  

Басшы – Баймағамбетова Анар Романқызы
Тел.: +7 (7172) 472679
E-mail: A.Baimagambetova@nabrk.kz

 

 

 

Сирек кітаптар мен қолжазбалар қоры

Қордың негізгі мақсаты еліміздің мәдени және ғылыми мұрасын сақтау және насихаттау. Қызметтің үйлестіретін іс-шаралары – қолжазба материалдарын анықтау және зерттеу бойынша ғылыми жұмыстарын атқару болып табылады. Қазіргі уақытта қор құрылымында 4 мыннан астам қазақ, орыс, неміс, араб, француз, тағы басқа шет тілдерінде ұсынылған сирек кітаптар мен қолжазбалар бар. Олардың хронологиясы 1782 жылдан бастап бүгінгі күнге дейн көрсетілген.  Қордағы басылымдар медицина, экономика, саясат, әдебиет, тағы басқа салалар бойынша көрсетілген. Бірегей миниатюра-кітаптар, бірегей түптелген сирек кітаптар, атластар, суретшілер альбомдары, әр түрлі кезендердегі Казақстан республикасының халық санағы – осының бәрі сирек кітаптар мен қолжазбалар қорында ұсынылған. Сондай-ақ, қорда оқырмандар залы да бар.

Басшы – Кусаинова Айман Есенжолқызы
Тел.: +7(7172) 47-27-18

E-mail: A.Kusayinova@nabrk.kz

 

 


Баспа-редакция орталығы (БРО)

БРО-ның негізгі міндеті кітапхананың баспа ісін жүзеге асырумен айналысады. Мұның нәтижесіне ҚР ҰАК жазбасы бар әр алуан мазмұндағы баспа өнімдері (түрлі мақсаттағы әдістемелік және кітапханалық материалдар) имидждік өнімдер (буклеттер, арнайы белгілер, визиткалар, бланктік өнімдер, баннерлер, шақыру билеттері, жарнамалар) және т.б. жатады. Орталық кәсіби бағыттағы тоқсан сайын шығатын «Кітап патшалығы» журналын дайындап, жарыққа шығарады. Сондай-ақ БРО-ның құрамына «ТӘЖ» әдеби-интеллектуалды клубы кіреді..

Басшы  – Бірмақова Әсем Сағиқызы
Тел.: +7(7172) 472668
E-mail: A.Birmakova@nabrk.kz

 

 

 

Оқырмандарға қызмет көрсету және тіркеу бөлімі

 

Оқырмандарға қызмет көрсету және тіркеу бөлімінің басты мақсаты – барлық деңгейдегі пайдаланушыларға ақпарат беру, талаптарын тез және сапалы орындау болып табылады. Оқырмандардың оқуға және кітапқа деген тұрақты қызығушылықтарын қалыптастыру. Оқырмандарға қызмет көрсету және тіркеу бөлімінің құрамына: Оқырманды тіркеу секторы, Ғылыми оқу залы, Рессей Мемлекеттік кітапханасының виртуальды оқырман залы, Қазақстан халық Ассамблеясы залы, Мүмкіндіктері шектеулі жандарға арналған «Қамқорлық» залы, Көркем әдебиеттер залы, «Шаңырақ» балалар дамыту орталық залы енеді. Көркем әдебиеттер залының қызметін Астана қаласы бойынша тұрғылықты тіркелген барлық азаматтар  жеке басын куәландыратын құжат пен үй кітапшасын немесе тұрғылықты мекен-жайы туралы анықтамасын көрсету арқылы тегін пайдалана алады.


Жетекшісі: Мырзагалиева Оңай Сылтыбайқызы
Тел: +7(7172) 472719
E-mail: O.Myrzagalieva@nabrk.kz