«ОТАНДАСТАР» ОҚУ ЗАЛЫ

2020 жылғы 27 ақпанда Нұр-Сұлтан қаласындағы Қазақстан Республикасы Ұлттық академиялық  кітапханасында  «Отандастар қоры» КеАҚ және Дүниежүзі қазақтары қауымдастығының  бастамасымен  «Отандастар» оқу залы ашылды.

 Жиын барысында ілкімді іс­ке ризашылық танытып, жылы пікір біл­дірген  көрнекті мемлекет және қоғам қайраткері Мыр­затай Жолдасбеков өзі­нің тың туындылары «Ұлы дала әдебиеті» һәм «Қорқыт ата кітабы» және басқа да еңбектерін «Отандастар» за­лына тарту етті.

Сондай-ақ танымал жазушы, Мемлекеттік сыйлықтың лаураеты Әлібек Асқар, белгілі қаламгер Сұлтан Оразалин, түркітанушы ғалым Қаржаубай Сартқожаұлы сынды зиялы қа­уым өкіл­дері ой-пікірін ортаға салып, өз кітаптарын сыйға берді.

«Отандастар» оқу залының артықшылығы, ондағы кітап сөрелеріне әлемнің әр түкпіріндегі қандас қаламгерлердің шығармалары  мен  ғалымдардың  еңбектері қойылады. Атап айтсақ, Қытай, Ресей, Түркия, Иран, Моңғолия, Өзбекстан, Қырғыз Республикасы және тағы басқа да мемлекеттерді мекен еткен  этникалық қазақтардың туындылары жинақталады.

Бүгінде Ұлттық кітапхана  каталогындағы баспа өнімдері мен құнды құжаттар саны 2000-нан асты және 2500 кітап шет елдердегі қазақ ұлттық мәдени орталықтарына таратылды.

Сонымен қатар Ресей, Қытай, Моңғолия, Түркия, АҚШ, Иран елдеріндегі қандастарымыз тарту еткен және «Отандастар қоры»  жинаған  бағалы кітаптар «Қазақстан ұлттық электронды кітапханасының» техникалық платформасында цифрланады. Бұл жаңашыл қадам отандастарымызға әлемнің кез келген жерінде жүріп-ақ  қалаған кітабын оқуға мүмкіндік береді.

«Отандастар қоры» туралы толыққанды акпаратты www.oq.gov.kz сайтынан таба аласыздар.

Цифрлы форматқа көшірілген тың туындыларды «Қазақ ұлттық электронды кітапханасының» www.kazneb.kz сайты арқылы оқуға болады.