ҚР ҰАК 10 жылдығына орай 2014 жылы ашылған. Еліміз бен елордамызға және кітапханаға келетін оқырмандардың ең көп келетін экускурсия залы.
Бірінші залында қазақ жазуы мен қазақ кітабының тарихы және кітап ісі бойынша тұрақты көрме ұсынылған. Кітапхананың Сирек қоры да осы жерде қойылған.
Келуші түпнұсқадағы қолжазбалар мен кітаптарға және ұлттық баспасөздің негізгі тарихына көз жүгіртіп, ғасырлар бойы ақпараттың негізгі құралы болып келген құнды дүниелермен, өнер түрлерімен, ұлт жауһарларымен (көне кітаптар мен орама қолжазбалар, түрлі мұқабада еңбектер мен бамбук таяқшалы кітаптар, бағалы нефрит, алтын, күміс тастары мен жібек маталы кітаптар, факсимльді басылымдар ) таныса алады.
Екінші залда кітаптардан тыс танымал тұлғаларға тиесілі түрлі экспонаттар да қойылған: академик Зәки Ахметов, Шора Сарыбаев және халық ақыны Хамит Ерғалиевтің («Библиотека» деп аталатын 1976 ж. Румыниядан шыққан жиһаз гарнитурі) жекелеген заттары мен кәдесыйлары және түрлі елдердің кітапханаға тарту еткен сый-сияпаттары қойылған.
Келушілер үшін – «Ұлы Абайдың алғашқы басылымдары», «100 жыл бұрын балалар оқыған кітаптар», «Әліппе әлемі», «Ақмола облысы: өлке тарихында – Отан тарихы» сынды түрлі тақырыпта қойылған кітап көрмелері қызығышылық тудырады.
Залда экспозициялар мен эспонаттар үздіксіз толықтырылып, жаңартылып отырады.
Кітап мұражайы келем деуші әр жан үшін – қашанда ашық және кіру тегін!