Әділ Ахметовтің «Ғасыр ғибраты» атты туындысының таныстырылымы


Әділ Ахметовтің «Ғасыр ғибраты» атты туындысының таныстырылымы


    Ұлттық академиялық кітапханада Филология ғылымдарының докторы, профессор Әділ Ахметовтің «Ғасыр ғибраты» атты туындысының таныстырылымы болып өтті.
     Бұлшара автордың «Фолиант» баспасынан 2018-жылы жарық көрген ғылыми-публистицикалық монографиясының терең өңделіп, соны материалдармен толықтырылған екінші басылымына бағышталған.
«Ғасыр ғибраты» бүгінгі таңдағыжаһанданған әлемнің геосаяси келбетін, Қазақстанның әлемдік геосаясаттағы орны мен беделін, антропогенез саласында әлем ғалымдарының қол жеткізген кейбір ғылыми жетістіктіктерін, сондай-ақ, Мұсылман әлемінің бүгінгі болмыс-бітімін сипаттайтын ғибратты мақалалар мен очерктерден тұрады.
    Автордың 2001-2019-жылдар аралығын қамтитынматериалдар легі түгелдей Еліміздің бас газеті - “Егемен Қазақстанда” жарық көрген. Бұл тұрғыдан келгенде, автордың жаңа туындысын жалпыұлттық газеттің 100 жылдығына арналған нақты сыйы десе де болады.
Әділ Ахметов –мемлекет жәнеқоғам қайраткері ғана емес, танымал түрколог ғалым.  Ол – Ресей және Қазақстан Халықаралық жоғары мектеп ғылым академияларының мүшесі. Ғалым сонымен қатар “Түркі тілдеріндегі табу мен эвфемизмдер”, “Азия – Берингия - Америка”, “Америкалық ‘үндістердің’ алтайлық тегі”, “Түбі түркі өркениет”, “Код Евразии. На пороге пятой цивилизации”, “Еуразия коды. Бесінші өркениет табалдырығында” атты терең ғылыми-танымдық монографиялардың авторы.
    “Ғасыр ғибратының” таныстырылымына елімізге танымал тұлғалар мен ғалымдар қатысты.