Шерхан Мұртазаны еске алу кеші

Қазақстан Республикасының Ұлттық академиялық кітапханасында  жазушы, қоғам қайраткері, ҚР-ның еңбек сіңірген мәдениет қызметкер, Қазақстанның халық жазушысы Шерхан Мұртазаны еске алу кеші болып өтті.

Іс-шара барысында қаламгердің  өмірі мен шығармашылығы және қоғамдағы рөлі жөнінде әңгімелер қозғалды.

Қаламгер «Егемен Қазақстан», «Жас Алаш» газеттерінде, «Жалын» және «Жұлдыз» журналдарында, «Қазақстан» мемлекеттік телерадиокомпаниясында және т.б. лауазымды қызметтер атқарған. ҚР Парламенті Мәжілісінің депутаты да болды. 

Жазушы Шерхан Мұртазаның тұңғыш кітабы «Құралысшы Дәку» деп аталады. Табылған теңіз”, “Бұлтсыз күнгі найзағай”, “Белгісіз солдаттың баласы”, “Мылтықсыз майдан”, “41-жылғы келіншек”, “Ахметжанның анты”, “Интернат наны”, «»Бір кем дүние» және т.б. шығармалардың авторы.

Драматургия саласында жазушының “Қызыл жебе”, “Сталинге хат” (1988), сондай-ақ “Бесеудің хаты”  атты пьесалары қойылды. Шерхан Мұртаза шығармашылық жолын студент кезінен бастады. Ш.Айтматовтың “Ботагөз”, “Қош бол, Гүлсары”, “Теңіз жағалап жүгірген тарғыл төбет” повестерін, “Боранды бекет”, “Жанпида” романдарын, Л.Лагиннің “Хоттабыч қарт”, М.Кәрімнің “Біздің үйдің қуанышы” шығармаларын қазақ тіліне аударған.

Әйгілі жазушының шығармалары көптеген шет тілдеріне аударылған.

Іс шараға зиялы қауым өкілдері қатысты.