«Нұрсұлтан Назарбаев Қазақстанның қазіргі заманғы тарихында» кітабының тұсаукесері өтті

Ел Тәуелсіздігінің 30 жылдығы аясында бүгін Ұлттық академиялық кітапхана мен Қазақстан Республикасының Египет Араб Республикасындағы Елшілігімен бірлесіп, Египеттің әйгілі жазушысы Ахмед Абдо Сайед Тарабикінің Қазақстан Республикасының Тұңғыш Президенті – Елбасы Нұрсұлтан Әбішұлы Назарбаевқа арналған араб тіліндегі «Нұрсұлтан Назарбаев Қазақстанның қазіргі заманғы тарихында» атты кітабының тұсаукесері болып өтті.
Ахмед Абдо Сайед Ахмед Тарабик - Египеттің әйгілі жазушысы, Қазақстан мен Египет Араб Республикасының тарихы мен халықаралық байланыстары туралы ғылыми еңбектердің, Орталық Азия мен Кавказ елдері туралы көптеген мақалалар мен басылымдардың авторы. 
2016 жылы Қазақстан Республикасы Тәуелсіздігінің 25 жылдығына орай Ахмед Абдо Сайед Тарабикінің «Қазақстан - болашаққа көзқарас» кітабы араб тілінде жарық көрді.
Жазушы Ахмед Абдо Сайед Ахмед Тарабикидің жаңа басылымы Қазақстанның қалыптасуы мен дамуына, оның Тұңғыш Президенті - Елбасы Нұрсұлтан Әбішұлы Назарбаевтың тарихи рөліне арналған. 
Кітап төрт бөліктен тұрады, олардың әрқайсысы тәуелсіз мемлекеттің қалыптасуының негізгі кезеңдерін, Ұлы Далада мемлекеттіліктің пайда болуының тарихы, қазіргі Қазақстанның дамуы мен оның әлемнің дамыған елдерінің қатарына енуі бойынша стратегиялық құжаттартуралы сипатталады.
Кітаптағы басты орынды мемлекеттілікті құру мен жан -жақты нығайту, көпұлтты халықтың бірігуінде, тұрақты, гүлденген және рухани қоғамды қалыптасуында,жетекші әлемдік державалармен ынтымақтастық пен серіктестікті дамытуда сондай-ақ оның бітімгершілік идеяларындағы көрнекті және стратегиялық саясаткер ретінде еліміздің Тұңғыш Президенті – Елбасы Нұрсұлтан Әбішұлы Назарабаевтың іргелі рөлі алады. 
Кітаптың тұсаукесері Египет Араб Республикасының Төтенше және Өкілетті Елшісі Қайрат Лама Шариф, кітаптың жазушысы және авторы Ахмед Абдо Сайед Тарибики, басшы, педагогика ғылымдарының докторы, профессор Ү. Мұңалбаева, Араб мемлекеттерінің елшілері мен дипломатиялық миссияларының өкілдері, Қазақстанның ғылыми және шығармашылық интеллигенциясының өкілдері, оқытушылар, Л.Н.Гумилев атындағы Еуразия ұлттық университеті мен Мемлекет тарихы институтының профессорлары, жоғары оқу орындарының студенттері қатысты.