2021 жылдың 9 ай бойынша есеп кездесу

2021 жылдың 9 ай бойынша есеп кездесу

2021 жылдың 9 айдағы кітапхана жұмысын қорытындылау мақсатында Қазақстан Республикасының Ұлттық академиялық кітапханасы 2021 жылдың 9 айдағы жұмысының қорытындысы бойынша есеп кездесу өткізді.
2021 жыл-мерейтойлар мен тарихи даталарға толы жыл. Қазақстан Республикасы Тәуелсіздігінің 30 жылдығы, Қазақстандағы ядролық полигонның жабылуы, Ыбырай Алтынсариннің 180 жылдығы, Жамбыл Жабаевтың 175 жылдығы, Әлихан Бөкейхановтың 155 жылдығы, Қажымұқан Мұңайтпасовтың 150 жылдығы, Мұқағали Мақатаевқа 90 жыл және тағы басқа қазақ халқының көптеген тұлғаларының мерейтойлары болып табылады. 
2021 жылды «Балалар әдебиеті жылы» деп жариялау кітапхана қоғамдастығы үшін маңызды оқиға болды. Осы жоба аясында Ұлттық академиялық кітапханада бірқатар халықаралық іс-шаралар ұйымдастырылып, әлемнің 50 елінен қатысқан кітапханашылар мен балалар жазушыларының кездесулері өтті. Балалар оқуы мәселелерін шешу жолдарын ұсынатын мастер-класстар мен тренингтер өткізілді. Бірінші жартыжылдықта Қазақстан бойынша 389 064 пайдаланушыларды қамти отырып, түрлі форматтағы 5205 іс-шара өткізілді.
Кітапхананың 9 айда маңызды оқиғаларын көрсететін 600-ге жуық бұқаралық іс-шаралар онлайн және офлайн режимінде 200 000 пайдаланушының қашықтан қатысуымен өткізілді. 2021 жылдың 9 айында пайдаланушылар саны – 22 600,  кітап беру – 3 млн. құрады. Негізгі бақылау көрсеткіштерінің өсуі байқалады. Әсіресе электронды және қашықтан кітапхана пайдаланушыларының онлайн режиміндегі қызметтерге деген сұранысы артып отыр. 
Брифингке қатысушылар: педагогика ғылымдарының докторы, профессор, ҚР Ұлттық Академиялық кітапханасының жетекшісі Үмітхан Дәуренбекқызы Мұңалбаева, ҚР Ұлттық академиялық кітапханасы басшысының орынбасары Әлия Мамбайқызы Қожабекова, ҚР Ұлттық академиялық кітапханасы басшысының орынбасары Нұржан Нұрланұлы Жолдыбалинов және кітапхана қызметтерінің жетекшілері.