Мырзатай Жолдасбековпен шығармашылық кездесу кеші

      12 қазан Қазақстан Республикасының Ұлттық академиялық кітапханасында мемлекет және қоғам қайраткері, филология ғылымдарының докторы, профессор Мырзатай Жолдасбековпен кездесу кеші және «Тұлға барда, кітап бар» атты жеке коллекцияларынан көрме болып өтті. 
      Көрмеге қаламгердің жеке коллекцияларындағы ордендері мен төсбелгілері, елімізге белгілі авторлардың қолтаңбасымен сыйға берілген кітаптары мен жазушының соңғы жылдары жарық көрген еңбектері қойылды. 
      Олардың ішінде сирек кездесетін қазақстандық авторлардың кітаптары бар: Өзбекәлі Жәнібековтың «Тағдыр тағылымы», Шыңғыс Айтматовтың «Когда падают горы», Оралхан Бөкейдің «Өз отыңды өшірме», Дүкенбай Досжанның «Мұхтар жолы», «Әбділда Тәжібаевтың «Жылдар мен ойлар»,Сәбит Досановтың «Великие уходят чтобы остаться» мен «Вторая жизнь», Мұхтар Шахановтың «Космоформула карающей памяти» және «Заблуждение цивилизации», Жабайхан Әбділдиннің «Тағлым мен тағзым», Сауытбек Абдрахмановтың «Жиырмасыншы ғасыр жырлайды», Сабыр Адайдың «Әр қазақ – менің жалғызым», Амангелді Айталының «Ұлттану», Болат Бодаубаевтың «Қарт тергеушінің әңгімелері» және т.б.  
      Іс шараға шығармашылық және зиялы қауым өкілдері қатысты.