«Второй Мусулманский (спецназ из Казахстана)» атты кітабының тұсаукесері

22 ақпанда Кеңес әскерінің Ауған жерінен шығарылғанына 30 жыл толуына орай «Ауылым – алтын бесігім», «Отряд Кара-майора», «Жартаста жастанған қазақ» кітаптарының авторы,  ҚР Қарулы Күштері ардагері, Амангелді Жантасовтың «Второй Мусулманский (спецназ из Казахстана)» атты кітаптың тұсаукесері болып өтті.

Кітапта тарих беттерінде «Екінші мұсылман батальоны» деген атпен қалған 1980-1981 жж. аралығында Алматы облысынан Ауғанстанға аттанған 177-ші арнайы жасақталған жеке жасақтың тарихы мен сарбаздары турасында толыққанды ақпараттар мен мәліметтер кеңінен берілген. Әскери жасақ арасында аты аңызға айналған, ауған соғысының әйгілі де, даңқты батыры «Қара-майор» – Керімбаев Борис Теміржанұлы турасында және оның ерлігі мен соғыс өнеріндегі қолданылған әдіс-тәсілдері толық берілген.

Кітапта сондай-ақ, соғыс барысында жеке құраммен саяси-партиялық жұмыстар жүргізу, кейбір дәлелді мәліметтер мен цифрлар, арнайы жасақ пен жасақтың қарулы күштері турасында толыққанды мағұлматтар жазылған.

Бұл майдан енді есейген бозбалаға бауырдың жақындығын, жүректің батылдығын, бейбіт күннің қадірін білуге ұғындырды. Арада отыз жыл уақыт өтсе де отты жылдар салған жүректегі сызат әлі жазыла қойған жоқ. Бүгінгі таңда өмірін оқ пен оттың арасында өткізген Ауған соғысы ардагерлерін 10 жылға созылған кескілескен соғыста Қазақ жерінен 22 269 адам қатысып, оның 761-і қаза тапқан.

Тұсаукесерге тарихшы, Қазақ Білім академиясының академигі Бүркіт Аяған, жазушы Ораз Қауғабай, Бақытжан Ақтайлық, және өзге де саланың профессор мамандары мен Ұлттық Ұлан офицерлері және сарбаздары қатыст.