Н.НАЗАРБАЕВТЫҢ «ТӘУЕЛСІЗДІК ДӘУІРІ» КІТАБЫНЫҢ ТҰСАУКЕСЕРІ БЕРЛИНДЕ ӨТТІ

2018 жылдың 27 қарашасында Қазақстан Республикасы Тұңғыш Президентінің Қоры - Елбасы  мен Қазақстан Республикасы Германия Федеративтік Республикасының Елшілігімен бірлесіп Н.А. Назарбаевтың «Тәуелсіздік дәуірі» неміс тіліндегі тұсаукесері өтті. 
      ҚР Германия Федеративтік Республикасының Елшісі Болат Нүсіпов: «Президенттің «Тәуелсіздік дәуірі» атты кітабы халықаралық тілдерге аударылып, Мәскеу, Санкт-Петербург, Лондон және Баку қалаларында тұсауы кесілді. Бүгін Тұңғыш Президент Қорының арқасында бізде Берлинде өтіп жатыр. Бұл іс-шара желтоқсанда атап өтілетін Қазақстанның үлкен мерекелері – Тұңғыш Президент және Тәуелсіздік күндері қарсаңында өткізіліп отыр. Мерекелердің бір-біріне жақын тұруы заңдылық, себебі олардың арасында терең ажырамас байланыс бар», - деп атап өтті. 
Қазақстан Президентінің жаңа кітабы әр оқырманға өзінше түсінік береді. Оның бірегейлігі – кең ауқымды аудиторияға арналған. «Тәуелсіздік дәуірі» төрт бөлімнен тұрады, ол тәуелсіз Қазақстанның қалыптасуы барысындағы тарихи кезеңдер туралы баяндайды. 
Кітаптың соңғы бөлімі 2010 жылдардағы кезең аралығына арналады. Ол кезде Қазақстан жеткен жетістіктерімен шектелмей, жаңа амбициялық «Қазақстан - 2050» стратегиясын орындауға кіріседі. Мемлекет басшысының «Тәуелсіздік дәуірі» кітабы қазақстандық оқырманға 2017 жылғы желтоқсанда жол тартты.
      Іс-шараға Қазақстан Республикасының Германиядағы Төтенше және Өкілетті Елшісі Болат Нусупов, Берлин Университетінің вице-президенті қатысты. Гумбольдт профессоры Питер Френш, Германиямен Ресей Федерациясы, Орталық Азия және Шығыс әріптестігі бойынша әріптестік жөніндегі комиссар Дирк Визе, Германия Сыртқы істер министрлігінің Шығыс Еуропа, Оңтүстік Кавказ және Орталық Азия бойынша комиссары Михаэль Зиберт, ҚР Ұлттық академиялық кітапханасының басшысы Үмітхан Мұңалбаева, Германия министрлігінің өкілдері қатысты.