«Депутат» энциклопедиясының тұсаукесер рәсімі

17 қаңтар сағ.11.00-де ҚР Ұлттық академиялық кітапханасында
«Депутат» энциклопедиясының тұсаукесер рәсімі өтеді.   
Мемлекет басшысы Н.Ә.Назарбаевтың «Болашаққа бағдар: рухани жаңғыру» бағдарламасы аясында Қазақстандағы барлық деңгейдегі депутаттарға арналған «Депутат» энциклопедиясы жарыққа шығып отыр.
Кітап 5 бөлімнен тұрады: І бөлім Қазақстан Республикасы Парламентінің Сенаты, ІІ бөлім Қазақстан Республикасы Парламентінің Мәжілісі, ІІІ бөлім Бас қалалар мәслихаты, IV Облыс және облыс орталықтарының мәслихаттары, V бөлім Қалалық және аудандық мәслихаттар.
Энциклопедияның салмағы 3 кг. Жалпы парақ саны 600 бетті құрап отыр. Жоғары сапалы парақта басылып шыққан бұл энциклопедияда 3370 депутат туралы ақпарат көрсетілген.
2019 жылы Қазақстан Республикасы Мәслихаттарының 25 жылдығы. Бұл айтулы қуанышқа орай Елбасы атап өткендей «Жастар жылын» негізге ала отырып, жас болсақ та, үлкен буын ел ағаларына жасаған сыйымыз болсын деп «Депутат» энциклопедиясын жарыққа шығардық, – дейді авторМетка.
Кітаптың тұсаукесер рәсіміне қатысушылар: ҚР Парламенті Сенаты мен Мәжілісінің депутаттары Бақытжан Ертаев, Сауытбек Абдрахманов, Гүлжан Қарақұсова, Нұртай Сабильянов, Бақытбек Смағұл, Абай Тасболатов, Ахмет Мурадов, Роман Ким, Геннадий Шиповских, Шаймардан Нурумов, Мұратбай Жолдасбаев, Бақытгүл Хаменова, Әли Бектаев, Әлімжан Құртаев, Ерік Сұлтанов, Сыздықов Тұрғын Ысқақұлы, Тарас Хитуов, Қаратаев Фахриддин Әбдінабиұлы, Өтебаев Сәкен Нуриұлы, Жұмаділдаева  Наталья Васильевна, Шакир Хахазов, Микаелян Наринэ Гамлетовна және бірқатар облыстық және қалалық мәслихат хатшылары мен депутаттары.