ТҮРКОЛОГИЯ ОҚУ ЗАЛЫНЫҢ АШЫЛУЫ

Кітапханасында Түркология оқу залының салтанатты ашылуы болып өтті.
Аталмыш зал Қазақстан Республикасы Мәдениет және спорт министрлігінің қолдауымен Қазақстан Республикасының тұңғыш Президенті Нұрсұлтан Әбішұлы Назарбаевтың «Ұлы даланың жеті қыры» атты мақаласында көтерілген «Түркі өркениеті: түп тамырынан қазіргі заманға дейін» деген жобаны қолға алу мақсатында ашылады. 
Оның мақсаты түркітілдес халықтардың рухани мұрасын сақтау, насихаттау және дамыту болып отыр. 
 Іс-шара   барысында ғылыми-танымал  жазушы,  аудармашы  және түркітанушы   Немат    Келімбетовты    зерттеуге    арналған «Қазақстанның қазіргі даму үдерісіндегі түркітану ғылымы» атты халықаралық ғылыми-практикалық конференциясы өтеді. Конференция қатысушылары түркітанудың қазіргі жағдайы мен келешегін, түркі халықтарының мәдени және рухани құндылықтарын дамыту және насихаттау, тәуелсіздік тұрғысынан түркітану тарихын зерттеу, адамзат тарихындағы түркі өркениетінің рөлін талқылайды.
Сондай-ақ, жиын барысында қазақ, орыс ағылшын тілдерінде  басылып шыққан дүние жүзі түркологиясының тарихына арналған «ТҮРКОЛОГИЯ. Дүниежүзі түркологиясының тарихы» атты кітабының тұсаукесер рәсімі де болып өтті.
 «Бір ел-бір кітап» республикалық акциясының қорытындысы шығарылып, «Үздік кітапханашы - 2018» және «Үздік кітапхана басшысы - 2018» номинациялары бойынша және үздік оқырмандарға естелік сыйлықтар табыс етілді.
Іс-шараға ҚР Мәдениет және спорт министрі Арыстанбек Мұхамедиұлы, филология ғылымдарының докторы, профессорлар М.Жолдасбеков, С.Қасқабасов, жазушы, кинодраматург Смағұл Елубай, профессорлар: Х. Ю. Миннегулов (Қазан), Х. Касапоглы, (Анкара), Н. Рахманов (Ташкент), Р.Аскер (Баку), Т. Садыков (Бишкек) , А.М.Багиров (Мәскеу), белгілі орыс жазушысы, журналист және баспагер, қоғам қайраткері, орыс әдебиеті академиясының академигі (Мәскеу) Г. В. Пряхин және т.б.  қатысады.