«Султанмәмет Сұлтан: мемлекет қайраткері, дипломат және батыр» монографиясы мен «Орта жүздің сұлтандары мен батырлары» атты мұрағат материалдары жинағының тұсаукесері

 «Султанмәмет Сұлтан: мемлекет қайраткері, дипломат және батыр» монографиясы мен «Орта жүздің сұлтандары мен батырлары» атты мұрағат материалдары жинағының тұсаукесері

       ҚР Ұлттық академиялық кітапханасында Ш.Уәлиханов атындағы Тарих және этнология институты шығарған «Сұлтанмәмет Сұлтан: мемлекет қайраткері, дипломат және батыр» монографиясы мен «Орта жүздің сұлтандары мен батырлары» атты мұрағат материалдары жинағының тұсаукесері болып өтті. 
      Тұсаукесер елбасының «Ұлы даланың жеті қыры» атты бағдарламалық мақаласын қолдау аясында Қазақстанның Кәсіподақтар федерациясының қолдауымен жүзеге асырылып отыр.
       Қазақ-жоңғар және қазақ-қалмақ соғысында ерлік көрсеткен Қыпшақ ұлысының басшысы, хан Абылайдың немере ағасы, үлкен хан Әбілмәмет ханның қайын атасы – Сұлтанмәметтің өмірі мен қайраткерлігі туралы баяндалады. 
Ертістің оң жағалауын қазақ халқына қайтарып алғанда оның еңбегі зор. Хан Абылай қайтыс болғаннан кейін 1781 жылы жалпыхалықтық құрылтайда бүкіл қазақ тағын иеленген  басты үміткерлердің бірі болды. 
      «Орта жүздің сұлтандары мен батырлары» атты мұрағат материалдары жинағында Омбы және Орынбор облыстарындағы тарихи мұрағаттарының құпия материалдарының жарыққа шығуы, Абылайханды тұтқындау әрекеттері, «Шаңды жорық» (Пыльный поход) кезіндегі Орта жүздің 50 000 әскерінің жиылуы,  қазақ әулетінің патшалық үйлерінің құрылысы және т.б. ақпараттар келтірілген. 
       Іс-шараға Қазақстан Республикасы Мемлекеттік Елтаңбасының авторы Жандарбек Мәлібеков, белгілі мемлекет және қоғам қайраткерлері, ғалымдар, Қазақстан Республикасы Парламенті Мәжілісі мен Сенатының депутаттары және т.б. қатысты.