«Жібек сезім» атты шығармашылық кеші

Қазақстан Республикасының Ұлттық академиялық кітапханасында жас әнші, актриса Салтанат Серкебаевамен «Жібек сезім»  атты сырласу кеші болып өтті.

Іс-шараның мақсаты – жас өнер иесін елге таныту, өнерінің шыңдалуына әрі қарай ілгері қадам жасау. Кездесу барысында Салтанат Серкебаева  өмірі мен өнері жайлы әңгімеледі.

Сондай-ақ, өскелең ұрпақтың бойына париоттық рухты қалыптастыруға және жас маман иелерімен кездестіре отырып, олармен жақын танысуға мүмкіндік береді.  

Салтанат Серкебаева елімізде тұңғыш рет түсірілген «Томирис» атты тарихи фильмде басты рөлді сомдады. Аталмыш фильм ҚР Мәдениет және спорт министрлігінің қолдауымен «Қазақфильм» және «Сатайфильм» киностудиялары бірлесіп шығарған.

Фильмнің бас продюсері, қоюшы режиссері Ақан Сатаев.

Іс-шараға жас оқытушылар, студенттер және кітапханашылар қатысты.