Президенттің кезектен тыс сайлауы – еліміз үшін маңызды әрі қажетті шешім

Президенттің кезектен тыс сайлауы – еліміз үшін маңызды әрі қажетті шешім

      10 сәуір күні ҚР Ұлттық академиялық кітапханасында«Президенттің кезектен тыс сайлауы – еліміз үшін маңызды әрі қажетті шешім» атты дөңгелек үстел өтті.
      Жиналысқа белгілі қоғам қайраткері, академик Мырзатай Жолдасбеков, ҚР Ұлттық академиялық кітапханасының басшысы, педагогика ғылымдарының докторы, профессор Үмітхан Мұңалбаева, филология ғылымдарының докторы, профессор Шәкір Ибраев, тарих ғылымдарының докторы, профессор, Мемлекет тарихы институтының директоры Бүркіт Аяған, ақын, ҚР Ұлттық академиялық кітапханасының ғылыми хатшысы Төрегелді Тұяқбай, белгілі жазушы Дария Джумагельдинова, ақын, Қазақстанның еңбек сіңірген қайраткері, Қазақстан Жазушылар одағы Астана қаласы филиалының директоры Дәулеткерей Кәпұлы және кітапхана қызметкерлері қатысты. 
      Дөңгелек үстелді Ұлттық академиялық кітапханасының басшысы Үмітхан Мұңалбаева жүргізді. М. Жолдасбеков, Ш. Ибраев, Бүркіт Аяғансынды бір қатар ел ағалары сөз сөйлеп, 9 маусымында өтетін Қазақстан Республикасы Президентінің кезектен тыс сайлауы еліміз үшін саяси, әлеуметтік, тарихи  маңызы бар қажетті шара екенін атап өтті.