Балалар жазушысы Рима Абыкаеваның балаларға арналған кітаптарының таныстырылымы

Кітапханада балалар жазушысы Рима Абыкаева Филипповамен шығармашылық кездесу және бірнеше кітаптарының таныстырылымы болып өтті.
Балалар жазушысы Абыкаева Рима Филипповна 2-9 жас аралығындағы балаларға өлеңдер мен ертегілер жазады. Қазіргі уақытта 43 кітабы жарық көрген,  оның  ішінде  29  ертегі және 70 өлеңі бар. Рима Филипповна Ресейдегі И.А. Бунин атындағы Жаратылыстану ғылымдары академиясының 2019 жылғы құрметті  күміс медалінің  иегері. 
Автордың балаларға арналған «Приключения и чудеса», «Стрекоза на листочке», «Новый год уже в пути», «Забавные буквы», «Приключения Дина», «Новогодние чудеса», «Монстры и другие истории», «Чудо, чудо, чудеса», «Фомка», «Зайчонок Тим и его друзья»  және  т.б. шығармаларының  терең тәрбиелік мәні бар.  Жазушының шығармаларының негізгі идеясы: балаларды мейірімділікке, отбасына деген махаббаты және табиғатты сүюге  тәрбиелейді.
Жазушының барлық  шығармалары  қазақ, орыс, ағылшын тілдеріне аударылып, басылып шығарылды, бұл заман талабына сай балалардың үштілділікті меңгеруіне маңызы зор. Бұл кітаптарды бала-бақшаларда және бастауыш сыныптарда  оқу құралы ретінде пайдалануға болады.