Қаржаубай Сартқожаұлының «Орхон ескерткіштерінің толық атласы» атты кітабының тұсаукесері

             Кітапханада тарих ғылымдарының докторы, профессор Қаржаубай Сартқожаұлының «Орхон ескерткіштерінің толық атласы» атты кітабының тұсаукесері болып өтті. Басылым үш томнан тұрады.
Кітапта Еуразия құрлығында алып мемлекет орнатуды армандап, үш ғасыр бойы билік жүргізген байырғы түріктердің қайталанбас тарихи-мәдени және рухани құндылықтары қамтылған.  Сондай-ақ, түрік мәдениеті мен білімі, дүниетанымы, тарихы мен тыныс-тіршілігі  туралы мәліметтер берілген. 
            Автор ХІХ ғасырда табылған мұраларды жаңалап оқып, аударып, жаңа түсініктемесін береді. Бұл Қаржаубай Сартқожаұлының 40 жыл бойы жүргізген даналық экспедициясының нәтижесінде әр мұраның археологиялық сипаттамасы алғаш рет толық беріліп отыр.   
             Бұған дейін ХІХ ғ. Фин және орыс, ХХ ғ. Моңғол-чех, Моңғол-кеңес Одағы, Моңғол – түркия экспедицияларының нәиижесі, жүз жылдан астам уақыт бойы зерттеген ғалымдардың еңбектері зерделенді. 2001 жылдан бастап Л.Н.Гумилев атындағы Еуразия Ұлттық университеті, Моңғолия, Ресей ғалымдары байырғы түрік зерттеулеріне мол үлес қосты. Сөйтіп, бұрынғы зерттеулерге сын көзбен қарай отырып, ғылым әлеміне осынау еңбек келіп қосылды. 
             Аталмыш еңбек түркологтар мен тарихшылар, өнертанушы, философ, этнограф ғалымдарға, магистранттар мен докторанттарға, сонымен қатар ұлттық құндылықтарға қызықтаушы оқырман қауымға арналған.