Мемлекет және қоғам қайраткері Жанайдар Сәдуақасовтың 120-жылдық мерейтойына арналған еске алу кеші

Мемлекет және қоғам қайраткері

Жанайдар Сәдуақасовтың 120-жылдық мерейтойына арналған

еске алу кеші

 

30 мамыр сағ.15.00-де ҚР Ұлттық академиялық кітапханасында мемлекет және қоғам қайраткері, саяси репрессия құрбаны Жанайдар Сәдуақасовтың 120-жылдық мерейтойына арналған «Тауқіметті тағдыры тарихқа айналған Тұлға» атты еске алу кеші өтеді.

Кеш бағдарламасы саяси қуғын-сүргін және тоталитаризм құрбандарының «АЛЖИР» мемориалды-мұражай кешенінің Ж.Сәдуақасовтың өмірі мен қоғамдық-саяси қызметіне арналған «Ер есімі – Ел есінде» тақырыптық көрмесін және ғылыми-практикалық конференцияны қамтиды.

Кездесу барысында ҚР Бас Прокуроры Қ.Қожамжаровтың, ҚР Әділет министрі М.Бекетаевтың және ҚР Мәдениет және спорт министрі А.Мұхамедиұлының арнайы құттықтау хаттары оқылады.

Еліміздің жетекші жоғары оқу орындары ғалымдары Ж.Сәдуақасовтың өмірі мен қоғамдық-саяси қызметіне қатысты ғылыми айналымға енбеген тың деректерді жариялап, мазмұнды баяндамалар жасайды. 

Іс-шараға «Егемен Қазақстан» АҚ Басқарма төрағасы, тарих ғылымдарының докторы Дархан Қыдырәлі, ҚР Парламенті Мәжілісінің депутаты Бекболат Тілеухан, тарих ғылымдарының докторы, академик Хангелді Әбжанов, тарих ғылымдарының докторы Марат Әбсеметов, филология ғылымдарының докторы Бауыржан Омаров және Ж.Сәдуақасовтың бауырлары мен ұрпақтары т.б.  қатысады. 

 

ҚР ҰАК баспасөз қызметі: 

Тел.  8 778 917 51 56, Әсем

эл.почта: asemai1@mail.ru, Достық көш.11 үй

 

 

NB! Уважаемые журналисты, учитывая требования пропускного режима в здании при подаче заявки необходимо указать данные удостоверения личности, технических средств (видеокамеры, фотоаппараты).