«Солтүстік Македония кітап күндері» әдебиет кеші

«Солтүстік Македония кітап күндері» әдебиет кеші

         2019 жылдың 9 сәуір күні ҚР Ұлттық академиялық кітапханасында Қазақстан Республикасындағы Солтүстік Македонияның елшілігінің қолдауымен «Солтүстік Македония кітап күндері» атты әдебиет кеші болып өтті. Метка

         Мақсаты – Македонияның Солтүстік Македония елшілігі мен Қазақстан Республикасының Ұлттық академиялық кітапханасы арасындағы ынтымақтастықты дамыту және нығайту, қонақтардың, оқырмандардың  македон халқының мәдениеті мен әдебиетімен таныстыру.

        Іс-шараға қазақстандық зиялы қауым өкілдері мен ғалымдар және дипломатиялық корпус қызметкерлері мен жоғары оқу орындарының, колледждердің студенттері қатысты.

        2017 жылдың 19 желтоқсанында Скопье қаласында орналасқан О.С. Охридский атындағы Ұлттық университетте Қазақ әдебиет және мәдениет орталығы ашылған болатын, оқырманға жол тартқан Қазақстан әдебиеті мен мәдениеті орталықтары қазақ халқының салт-дәстүрі, мәдениеті, өнерімен жақын танысуға мүмкіндік береді. Бұл – Тәуелсіз Қазақстанның жетістіктері мен оның экономика, саясат, әлеуметтік салалардағы табыстарын көпшілікке таныстыруға жол ашты. Сондай-ақ тарих, ғылыми-көпшілік және көркем әдебиет бойынша кітаптар ұсынылды. Бұл кітаптар македон оқырмандары арасында үлкен қызығушылыққа ие болып, қазақтың бай мәдени мұрасын тануға мүмкіндік беретін дара жол.

      Бүгінгі таңда Қазақстан Республикасы мен Солтүстік Македония Республикасы арасындағы мәдени байланысы тығыз қарым-қатынаста дамып келеді.