Аса көрнекті саяси қайраткер Мұстафа Шоқайға арналған «Ұлы тұлға – Мұстафа Шоқай» тақырыбында дәріс өтті

Аса көрнекті саяси қайраткер Мұстафа Шоқайға арналған
 «Ұлы тұлға – Мұстафа Шоқай» тақырыбында дәріс өтті

    8 сәуір күні сағат 15.00-де ҚР Ұлттық академиялық кітапханасында 
    Түркістан бірлігі мен тәуелсіздігі идеясын ту еткен көсем Мұстафа Шоқайға арналған дәріс сабағы өтті. Дәрісті саяси ғылымдарының докторы, профессор, мемлекет қайраткері  Әбдіжәлел Қошқарұлы Бәкір жүргізді.
      Дәріс барысында ҚР Білім және ғылым министрлігі Р.Б. Сүлейменов атындағы Шығыстану институты 2014 жылы шығарған «МұстафаШоқай» атты 12 томдық шығармаларының толық жинағы таныстырылды.
      Дәрістің мақсаты М. Шоқайдың есiмiн «отарлық озбырлық пен өктемдiкке қарсы азаттық қозғалысының идеологиясын қалыптастыруға, стратегиясы мен тактикасын анықтауға өлшеусiз үлес қосқан» тұлға ретiнде ерекше атау қажеттiгiн баса көрсете отырып, оның қайраткерлiгiн бар қырынан таныту.  Оны зерттеуші жас ғалымдар мен жас ұрпаққа тәлім беретін мектеп мұғалімдеріне насихаттай отырып, құнды ақпараттар беру.
Дәріске  Астана қаласындағы Еуразиялық гуманитарлық институтының және Л. Гумилев атындағы Еуразия ұлттық университетінің тарих факультетінің профессор-оқытушы құрамдары, мектептің пән мұғалімдері, алаштанушы жас ғалымдар мен студенттер, БАҚ өкілдері қатысты.
Аталмыш шара Елбасының «Ұлы даланың жеті қыры» атты мақаласын жүзеге асыру аясында өткізілді.