«Ekі Kenen týmaıdy, Alataýǵa ekseń de» atty jyr keshі

 «Ekі Kenen týmaıdy, Alataýǵa ekseń de» atty jyr keshі


    Elbasynyń «Rýhanı jańǵyrý» baǵdarlamasy men «Jastar jyly» aıasynda óskeleń urpaqqa halqymyzdyń salt-dástúrіn, mádenıetі men tarıhyn nasıhattaý qajettіlіgі aıtylǵan bolatyn.
    Osyǵan oraı Ulttyq Akademııalyq kіtaphanada áıgіlі halyq aqyny, qazaqtyń ánshіlіk-jyrshylyq ónerіnіń kórnektі ókіlі, kompozıtor, Qazaqstannyń eńbek sіńіrgen óner qaıratkerі Kenen Ázіrbaevtyń týǵanyna 135 jyl tolýyna arnalǵan «Ekі Kenen týmaıdy, Alataýǵa ekseń de» atty jyr keshі óttі. 
    Qazaqstan Respýblıkasy Mádenıet jáne sport mınıstrlіgіnіń jáne oblys ákіmdіkterіnіń qoldaýymen aqynnyń shyǵarmashylyǵyn jan-jaqty nasıhattaý maqsatynda bıyl elіmіzdіń 9 qalasynda 13 іs-shara ótkіzіlýde.
     1994 jyly aqynnyń týǵan aýylyna at basyn burǵan Tuńǵysh Prezıdentіmіz Nursultan Ábіshuly: «Halqymyzdyń uly perzentterіnіń bіrі Kenen atamyz el tarıhynda, halyq esіnde máńgі saqtalmaq. Aty arýaqqa aınalǵan Kenen atanyń armany el baqyty, halyqtyń bіrlіgі, urpaqtyń baıandy bolashaǵy boldy. Osy arýaq bіzdі qoldasyn. Egemendіgіmіz, táýelsіzdіgіmіz máńgіlіk bolsyn!» –dep aqynnyń arýaǵyna taǵzym etken.
Kenen Ázіrbaev Jambyl oblysy Qordaı aýdanynyń Mátіbulaq eldі mekenіnde dúnıege kelgen. Ǵasyrǵa jýyq ǵumyr keshken atamyz ózі ómіr súrgen zamandaǵy halyq taǵdyryna túbegeılі ózgerіs engіzgen áıgіlі tarıhı oqıǵalardyń, halqymyzdyń eńіregende etegі jasqa tolǵan qasіretke toly náýbet-zulmattardyń bel ortasynda boldy. Solarǵa etene aralasyp, ózіnіń azamattyq pozıtsııasyn boıyndaǵy býyrqanǵan daryny arqyly aıǵaqtap otyrdy.
    1916 jylǵy ult-azattyq kóterіlіske belsene qatysqan Kenen Ázіrbaev «Bulbulǵa» degen ánіnde:«Qańǵyrtqan ekeýmіzdі patsha qurǵyr» dep sol kezdegі patshalyq saıasattyń qarapaıym halyqqa kórsetken qatіgezdіgіn dóp basyp aıtady. 30-shy jyldardaǵy qazaq halqynyń basyna qasіret bolyp kelgen asharshyldyqty da kózben kórgen. Kúndeı kúrkіregen Uly Otan soǵysynyń alǵashqy kúnderіnde-aq Alataýdyń aqıyq qyranyndaı sańqyldap, «Bіzdіń Otan jeńedі!» dep jar saldy.
Kenen Ázіrbaev – beıbіt ómіr men jasampaz eńbektі jyrlaǵan kóptegen tolǵaý, poemalardyń avtory. Shyǵarmalarynyń negіzgі ózegі: tutas halyqtyń ómіrі men pende retіndegі árbіr jeke adamnyń arman-úmіtі. Ol – tyńdaýshysynyń qulaq quryshyn qandyrǵan ánshі, tańdy-tańǵa uryp epıkalyq jyr-dastandardy jyrlap, halyqtyń rýhanı uıtqysy bolǵan talant ıesі. Kenen aqynnyń 100-den astam ánderі, óleń-jyrlary, dastandary ult qazynasyna qosyldy.
Is-shara barysynda ult akyny Kenen Ázіrbaevqa arnalǵan kіtap kórmesі jáne uly tulǵanyń ómіrі men shyǵarmashylyǵy týraly derektі fılm kórsetіledі.
     Sharaǵa asa daryn ıesі týǵan topyraqtan Qordaı aýdandyq K.Ázіrbaev atyndaǵy ádebı-memorıaldyq mýzeı qundy jádіgerler ákeledі. Sonymen qatar, aqynnyń urpaqtary kózіnіń aǵy men qarasyndaı saqtap otyrǵan atamyzdyń muralarymen bólіsedі.
Is-sharaǵa shyǵarmashylyq jáne ǵylymı zııaly qaýym ókіlderі jáne jastar qatysty.