Берлинде Абайдың 175 жылдығы тойланды

  Қазақстан Республикасының Германиядағы Елшілігі қазақ ақыны Абайдың 175 жылдығын мерекелеу аясында Қазақстан Республикасы Ұлттық академиялық кітапханасы делегациясының қатысуымен «Әлем таныған Абай» кітап-иллюстративті көрмесі және «Абай әлемі» фотокөрмесімен дөңгелек үстел өткізді.
   Айтулы жиынға Қазақстан Жазушылар одағының Төрағасы, ақын Ұлықбек Есдәулет, жазушы, филология ғылымдарының докторы, абайтанушы Тұрсын Жұртбай, М.Әуезов атындағы Әдебиет және өнер институтының директоры Кенжехан Матыжанов,  ҚР Ұлттық кітапханасының басшысы,  педагогика ғылымдарының докторы, профессор Үмітхан Мұңалбаева, ҚР Ұлттық кітапханасының директоры Бахытжамал Оспанова, ақын, «Қазақ радиосы» журналисі, блогер Айсәуле Бейсенхан және ҚР Ұлттық академиялық кітапханасы, ҚР Ұлттық кітапханасы және облыстық кітапхана басшылары қатысты.  
  Іс-шара Берлин мемлекеттік кітапханасының ғимаратында өтті.