РЕСПУБЛИКА БОЙЫНША ЛАТЫН ГРАФИКАСЫ НЕГІЗІНДЕГІ «ЖАЛПЫХАЛЫҚТЫҚ ДИКТАНТ» ӨТТІ

     Қазақстан Республикасы Мәдениет және спорт министрлігінің ұйымдастыруымен қазақ тілі әліпбиін латын графикасына көшіру жұмыстары аясында 2018 жылғы 14 қараша сағат 11.00-де республика бойынша латын графикасы негізіндегі «Жалпыхалықтық диктант» өтті. Республикалық акция еліміздің барлық өңірлерін қамтып, оған шамамен 2 млн. қазақстандық қатысты. Диктант бір уақытта республика бойынша өңірлердегі тілдерді дамыту басқармалары дайындаған арнайы аудиторияларда өткізілді.
Сондай-ақ қашықтықтан қатысуға ниет білдірген республика тұрғындары үшін диктантты тыңдау сағат 11.00-де (Астана уақыты бойынша) «Қазақ радиосы», «Шалқар» радиоларының тікелей эфирінде және emle.kz, tilalemi.kz сайттарында қолжетімді болды.
Жалпыреспубликалық акция жаңа қазақ әліпбиін насихаттауға, латын негізді қазақ әліпбиін практикалық тұрғыдан меңгеруге дағдыландыруға бағытталған. 
Шараға Қазақстан Республикасы Мәдениет және спорт министрі Арыстанбек Мұхамедиұлы қатысып, жалпыхалықтық диктант қатысушыларға сәттілік тіледі.