Баянғали Әлімжановтың жаңа кітаптарының тұсаукесері

25 шілде күні ҚР Ұлттық академиялық кітапханасында ақын, драматург, жазушы Баянғали Әлімжановтың "Әлем әуендері», "Қырғызым бірге туғаным" және "Доброжелательный Аскар"  (Мейірімді Асқар) атты жаңа кітаптарының тұсаукесері болып өтті.
      Ақынның "Әлем әуендері» атты кітабына әртүрлі ұлттарға арналған қызықты жырлары топтастырылған. Онда қазақстандық автор әлемдік қоғам өмірінен және жаһан жұрттарының өміріндегі таңғажайып жәйттерді толғайды. 
Баянғали Әлімжанның «Қырғызым, бірге туғаным…» атты келесі кітабына бауырлас қырғыз еліне арнаған өлең, жырлары, қырғыз ақындарымен айтыстары, «Манас» жы¬рына қатысты кейбір сұхбаттары жинақталған.
 «Мейірімді Асқар» атты үшінші кітабы - өте қызықты ертегі. Ауылдың мейірімді баласы Алтын балықты құтқарады, Қайсар қалайы солдатты тірілтіп алады. Ол ақылгөй қаз Аккамен, Қар ханшайымымен достасып, барон Мюнхгаузеннің өзін өтіріктен жеңіп кетеді! Ол Пушкиннің, Ханс Кристиан Андерсеннің, ағайынды Гриммдердің, Сельма Лагерлефтің ертегі кейіпкерлерімен дос болады. Қазақ баласы әлем халықтары ертегілерінің барлық ізгі кейіпкерлерін өзінің досы деп санайды.
    Іс-шараға зиялы қауым өкілдері, кітапханашылар және т.б. қатысты.