«КІТАП – САРҚЫЛМАС ҚАЗЫНА, ҒАЖАЙЫП ӘЛЕМ!»

«КІТАП – САРҚЫЛМАС ҚАЗЫНА, ҒАЖАЙЫП ӘЛЕМ!»

      Бүгін 2 сәуір кітапханамызда «Кітап – сарқылмас қазына, ғажайып әлем!» атты балалар мен жасөспірімдер кітап апталығы ашылу салтанаты болып өтті..
      Ашылу салтанатына Балалар жазушысы, Қазақстанның Жазушылар одағының мүшесі, Еуразия Жазушылар одағының мүшесі, ақын, композитор – Тілеуғазы Бейсембек Райымбекұлы, ҚР Мәдениет қайраткері, Ақпарат саласының үздігі – Толымбек Әбдірайым Нұрлан Қалқа, Қазақстан Жазушылар одағының мүшесі, Қазақстан Журналистер одағының Б. Бұлқышев атындағы сыйлығының лауреаты – Жәди Шәкенұлы, Еуразия жазушылар одағының мүшесі – Джумагельдинова Дария Түкеновқызы, Балалар жазушысы, ақын, аудармашы – Маржан Ершу, ақын – Дәулеткерей Кәпұлы, Алтын қалам-2011», Жастар одағының «Серпер»сыйлығының иегері – Олжас Қасым және т.б. ата-аналар мен оқырмандар қатысты.
      Мақсаты – Балалар әдебиетін кеңінен насихаттау мен балалар жазушыларының танымалдығын арттыру. Кітаптың адам өміріндегі маңызы мен мәнін ашу арқылы ғылым мен білімнің пайдасын түсіндіру. Кітапты сүйе де, қадірлей білуге де баулу.
«Кітаптан өмірлік мұратқа» атты ұсыныстық кітап көрмесі және «Ой маржаны кітапта», «Кітап-білім бұлағы, білім – өмір шырағы» атты арнайы кітап және көріністік көрмелер ұсынылады.
      Кітап апталығы 2 және 6 сәуір аралығын қамтиды. Әр күні түрлі жоспарлы іс-шаралар ұйымдастырылады.
     3 сәуір - Ақын-драматург, аудармашы, прозаик, сатирик Маржан Ершудің «Ертегі-терапия» атты арнайы мәдени іс-шара.
     4 сәуір – Ақын, балалар жазушысы Джумагельдинова Дария Түкенқызының әдеби шығармашылығымен танысу кеші.
     5 сәуір - Балалар жазушысы, Қазақстан Жазушылар одағының мүшесі, Еуразия жазушылар одағының мүшесі – Жәди Шәкенұлының «Арманшыл бала» атты кітабымен таныстырылу шарасы.
     6 сәуір - «Тапқыр болсаң, озып көр» атты интеллектуалдық ойын-сайысы өтеді. «Кітап – сарқылмас қазына, ғажайып әлем!» атты кітап апталығының жабылуы болады.