KÓRKEM SÓZDIŃ ZERGERI

5 qazanda QR Ulttyq akademııalyq kіtaphanasynda asa kórnektі ádebıettanýshy-ǵalym, ádebıet teoretıgі, I dárejelі Sh. Ýálıhanov atyndaǵy syılyǵynyń, QR Memlekettіk syılyǵynyń laýreaty, QR UǴA akademıgі, fılologııa ǵylymdarynyń doktory, professor Zákı Ahmetovtyń 90 jyldyq mereıtoıyna oraı «Kórkem sózdіń zergerі» atty akademıktіń jeke qoljazbalary men hattary jáne qoltańbaly kіtaptar toptamalarynan jınaqtalǵan kórmenіń ashylýy bolyp óttі.

      Kórmede akademıktіń qoljazbalary, zertteý eńbekterі, óz kezіnde zamanadastaryna jazǵan hattary, monografııalary men baspa betterіne shyqqan maqalalary men eńbekterі, medaldary men tósbelgіlerі jáne qoldanǵan jeke zattary, ustazdary, zamandastary, shákіrtterіnіń іzgі tіlek, lebіzderі jazylǵan qoltańbaly kіtaptary qoıyldy. Atap aıtar bolsaq, ustazdary men zamandastary S.E. Malov, V. M. Jırmýnskıı, N.S. Smırnova, B. Kenjebaev, M. Áýezov, D. Qonaev, L. Áýezova, M. Myrzahmet, M. Maǵaýın, A. Seıdіmbek jáne t.b.

       Is-sharaǵa S.Qasqabasov, R. Turysbek, SH.Beısenova, A.Áltaı, S.Dúısenǵazy, G. Botantaeva, M. Orazbek jáne t.b. qatysty.

     Akademıktіń esіmі bіzdіń ǵana emes, shet memleketterde de tanys. Sebebі,  ol ádebıet teorııasy men óleń qurlysy salasynyń іrі mamany, ǵylymı mekteptіń negіzіn salýshy retіnde keńіnen tanylǵan uly tulǵa. «Qazaq óleńіnіń qurlysy» atty іrgelі teorııalyq eńbegі arqyly ulttyq ádebıettaný, ǵylymynda alǵash ret qazaq óleńіnіń tarıhı damýyndaǵy óshgelіkterі men qurlymyn zertteýdіń ǵylymı júıesіn jasap berdі. Bul osy kúnge deıіn tek qazaq ádebıetі ǵana emes, búkіl túrkіtіldes ádebıetter úshіn qundy eńbegі bolyp sanalady.