Әбділда Тәжібаевтың 110 жылдық мерейтойына орай әдеби кеш

Әбділда Тәжібаевтың 110 жылдық мерейтойына орай әдеби кеш 

      Кітапханада Әбділда Тәжібаевтың 110 жылдық мерейтойына орай «Әбділдә    Тәжібаевтың ақындық әлемі» атты әдеби кеш болып өтті. 
Әбділда Тәжібаевтың шығармалары 2019 жылы «Бір ел - бір кітап» республикалық акциясы аясында оқу үшін таңдап алынған болатын. 
      Әбділда Тәжібаев - қазақ ақыны, драматург, филология ғылымдарының докторы, профессор, Қазақстанның халық жазушысы, «Жаңа ырғақ», «Аралдар», «Кешеден бүгінге», «Жартас», «Жаңа өрімдер», «Құрдастар», «Толағай», «Жартас», «Жалғыз ағаш орман емес» атты көптеген еңбектердің авторы. 
     Ә.Тәжібаев «Өлең және поэзия», «Қазақ драмасының туылуы және қалыптасуы» тақырыбындағы монографияларында қазақ поэзиясының және драмасының өзекті мәселелерін кеңінен жариялады. 
Оның әдеби-танымдық мақалалары, «Жылдар мен ойлар», «Хаттар сөзі», «Өмір мен ерлік» атты эсселері жарық көрді.
     Іс шараға ақынның қызы Зифа Әбділдақызы, немересі, сондай-ақ, ҚР Жазушылар Одағының Астана филиалының директоры ақын Дәулеткерей Кәпұлы, жазушы, журналист Шәрбану Бейсенова, филолгия ғылымдарының докторы, профессор Шерубай Құрманбайұлы  және т.б. зиялы қауым өкілдері қатысты. 
Модератор –  ақын Дәулеткерей Кәпұлы.