ЖАҢА 2020 ЖЫЛҒА АРНАЛҒАН КІТАП КӨРМЕЛЕРІ

Кітапханада 2020 Жаңа жылдың бастамасы ретінде бірнеше кітап көрмелері өтті.  

Атап айтатын болсақ, 2020 жылы аталып өтетін Алтын Орданың 750 жылдығы, әлемге әйгілі ойшыл Әбу Насыр Әл-Фарабидің 1150 жылдығы мен ұлы ақынА бай Құнанбайұлының 175 жылдық мерейтойына, «Волонтер жылына» және «Журналистика ─ дәстүр мен жаңашылдық жаршысы»  кітап және фотокөрмелер ұйымдастырылды.

«Абай тағылымы» атты иллюстративті-кітап көрмесінде ұлы Абайдың өмір жолы мен шығармалары, дүниетанымы мен баға жетпес мұрасымен таныстыратын 8 бөлімнен тұрады. «Қалың елім қазағым...», «Абай  туралы», «Абайдың дүниетанымы»,   «Абай шығармалары туралы», «Қазақ халқының рухани асыл мұрасы», «Мерзімді басылымдар Абай туралы сыр шертеді», «Абай» романы – қазақ өмірінің айнасы, үлкен шежіресі», «Абайдың бейнесі суреткерлер көзімен» атты бөлімдерде ұлы Абай тек қазақ халқының ғана ақыны емес, әлемдік әдебиетке ортақ тұлға ретінде көрсетілді.

«Әл-Фараби мұрасы» атты өте кітап көрмесінде Әбу Насыр әл-Фарабидің өмірі мен қызметін жайында баяндайтын 400-ден астам кітап, фотосуреттер, карталар мен дәйексөздер ұсынылды. Көрем 5 бөлімнен тұрады:  Көне Отырар – өркениет бесігі, Ұлы Жібек жолымен, Шығыс пен Батыстың үнқатысуы, Әл-Фараби еңбектері – ақыл-ой қазынасы, Әл-Фараби және қазіргі Қазақстан.

«Айбынды Алтын Орда» атты кітап көрмесінде Алтын Орда мемлекетінің құрылуын, даму тарихын, күйреуін баяндайтын 160-қа таман кітаптар, фотосуреттер, карталар мен дәйексөздер қойылды. Көрме 3 бөлімнен тұрады:Алтын Орда мемлекетінің құрылуы, Алтын Орда мемлекетінің даму тарихы мен ыдырауы және Ұлытау - Алтын Орда бесігі .

«Әлемді жақсы жаққа өзгерт»  атты кітап және фотокөрме де ұйымдастырылды. Кітап көрмесінің мақсаты – еріктілік бастамалардың қарқынды дамуына қолдау көрсету және ҚР-да волонтерлік мəдениетті дамыту мақстыннда ақпараттық қамтамасыз ету. 

Ал «Журналистика ─ дәстүр мен жаңашылдық жаршысы» атты кітап және фотокөрмесінде оқырмандарды Ұлттық академиялық кітапхана қорындағы қазақ журналистикасының тарихы мен бұқаралық ақпарат құралдарының дамуы жайындағы кітаптармен таныстырылды.