«ҮШҚОҢЫР» атты кітаптың тұсаукесері

8 желтоқсан күні ҚР Ұлттық академиялық кітапханасында  «ҮШҚОҢЫР» кітабының тұсаукесері өтті.

Кітап «Қазақстан Республикасы Мәдениет және спорт министрлігі «Мәдениет және өнер саласындағы бәсекелестікті жоғарылату қазақстандық мәдени мұраны сақтау, зерделеу мен насихаттау және мұрағат ісінің іске асырылу тиімділігін арттыру» бағдарламасы «Әдебиеттің әлеуметтік маңызды түрлерін сатып алу, басып шығару және тарату» кіші бағдарламасы» бойынша жарық көрді.  

«Үшқоңыр» сурет кітабы ҚР тұңғыш президенті Нұрсұлтан Әбішұлы Назарбаевтың туған өлкесі Үшқоңыр елдімекеніне арналып шығарылған. Кітап Елбасының жүрекжарды тебіреністері мен туған жеріне деген ыстық махаббаты жайлы қанатты сөздеріне негізделген. Елбасының өмірінің әрқилы кезеңдерінде жазып алынған және сан алуан тақырыптар қамтылған нақыл сөздер жинағын оқып отырып, Н.Ә.Назарбаевтың Отанның, отбасының, туған жердің адмзат баласына қаншалықты маңызды екендігін айтқысы келгендігін түсінесің. Елбасы өзінің әрбір жолдауларында, әңгімелерінде, Үшқоңыр жайлы кітаптарында Отан жайлы сыр шерте келе, ата-баба жерінің рухани қолдаушы ретінде қалай желеп-жебеп жүретіндігін қайталаудан жалыққан емес.

Отанның,туған жердің маңыздылығы арқау болған, қазақстандық суретшілердің еңбектерімен безендірілген ҚР президентінің қанатты сөздер жинағы, отандық әдебиеттен айрықша орын алатын туындылардың қатарындағы кітап деуге лайық.  

Іс-шараға зиялы қауым өкілдері, кітапханашылар және студенттер қатысты.